Qazaqstanǵa BUU-nyń Aýǵanstanǵa kómek kórsetý missiiasynan taǵy da qyzmetkerler keledi dep kútiledi, - dep habarlaidy Tengrinews.kz.
Bir kún buryn Kabýldan Almatyǵa qyzmetkerlerimen birge ushyp kelgen BUU-nyń Aýǵanstandaǵy kómek missiiasynyń basshysy, arnaiy ókili Debora Laions Qazaqstanǵa BUU-nyń 135 qyzmetkeri kelgenin aitty. Olardyń teń jartysy óz eline oralýǵa daiyndalyp jatyr.
"Almatyǵa kelgen BUU-nyń barlyq qyzmetkeri demalyp, uiyqtap, tamaqtanyp úlgerdi. Olardyń 60-qa jýyǵy osy jerde Almatyda qalyp, qashyqtan jumys isteidi. Kabýldaǵy bizdiń qyzmetkerlerge qoldaý kórsetedi. Sondai-aq, Aýǵanstannan taǵy da qyzmetkerler keledi. Barlyǵy munda 100-ge jýyq adam jumys isteidi. Aýǵanstanda BUU-nyń gýmanitarlyq kómek kórsetetin 24 agenttigi bar", - dedi Debora Laions.
BUU missiiasy basshysynyń aitýynsha, olardyń uiymy Aýǵanstannyń beibit turǵyndarymen jumys jasap, olarǵa gýmanitarlyq kómek pen damýǵa kómek kórsetedi. Missiia halyqaralyq donorlardy tartady jáne qoǵamnyń damýy men adam quqyqtarynyń saqtalýyn qamtamasyz etý úshin úkimetke qandai qoldaý qajet ekenin anyqtaidy. Uiym Aýǵanstandaǵy aimaqtyq yntymaqtastyqty damytady, beibitshilik protsesterine jáne eldegi jaǵdaidy turaqtandyrýǵa qatysady. BUU missiiasy bul máselelerdi Qazaqstan úkimetimen talqylaýdy da josparlap otyr.
Buǵan deiin Qazaqstan SIM Aýǵanstandaǵy jaǵdaidy muqiiat qadaǵalap otyrǵanyn málimdep, barlyq tarapty ishki turaqtandyrýdyń basty alǵysharty retinde biliktiń beibit tranzitin qamtamasyz etýge shaqyrǵany habarlanǵan bolatyn.
Aita keteiik, 15 tamyzda "Taliban" qozǵalysynyń (Qazaqstanda tyiym salynǵan) sodyrlary Aýǵanstan astanasy Kabýlǵa kirip, prezident saraiyn basyp alǵany habarlanǵan bolatyn. Olar is júzinde Aýǵanstan Islam Ámirliginiń qurylǵanyn jariialap, eldegi bilikti basyp aldy. Keiinirek Taliban ókili eldegi soǵys aiaqtalǵanyn jariialady.
Keiin Aýǵanstan prezidenti Ashraf Ǵani elden ketti. Óz kezeginde buqaralyq aqparat quraldary Ashraf Ǵani jubaiy Rýla jáne eki keńesshisimen Ózbekstanǵa ushyp ketkenin habarlady.
