© Photo: QR SIM baspasóz qyzmeti
Bul týraly Premer-ministrdiń orynbasary – eńbek jáne halyqty áleýmettik qorǵaý ministri Tamara Dúisenova málimdedi, dep habarlaidy Sputnik Qazaqstan.
"Ata joly" kartasy – etnikalyq qazaqtarǵa elimizde biznes-keisterin iske asyrýǵa jáne elde tapshy mamandardyń qyzmet etýine beriletin qujat. Karta ielerine respýblika aýmaǵynda azamattyǵyn saqtai otyryp, 10 jylǵy deiin turaqty turýǵa ruqsat beriledi
"Buǵan deiin shetelde tabysty biznesi bar etnikalyq qazaqtar úshin "Ata joly" kartasyn berý tártibi bekitilgen bolatyn. Búginde "Otandastar" qory qolynda kásibi bar, elge "Ata joly" kartasy aiasynda kelgisi bar sheteldik 50 qandasymyzdy anyqtap, qajetti jumys júrgizip jatyr", - dedi Dúisenova Úkimettiń búgingi otyrysynda.
"Ata joly" kartasy iegerleriniń etnikalyq qazaqtardan basty aiyrmashylyǵy – olar basqa eldiń azamaty bolyp qala otyryp, azamattar men qandastar siiaqty quqyqtarǵa ie bolady.
Budan basqa, "Ata joly" kartasynyń iegerleri Qazaqstan Respýblikasynyń azamattyǵyn ońailatylǵan tártippen alýǵa múmkindigi bar.
Aita keteri, "Ata joly" kartasy bar adamdar Qazaqstannyń memlekettik organdary men jergilikti ózin-ózi basqarý organdaryna sailaýǵa jáne sailanýǵa quqyǵy joq, respýblikalyq referendýmǵa qatysa almaidy jáne memlekettik qyzmette jumys istei almaidy.
Kartany alý tártibimen myna jerden tanysýǵa bolady.
