QR Ulttyq ekonomika ministrliginde (UEM) AQSh-tan kóptep keletin taýarlardy atady. Vedomstvo málimetinshe, AQSh-tan Qazaqstanǵa keletin taýarlardyń basym bóligi et pen úi qusynyń sýbónimderi, - dep habarlaidy "Ult aqparat".
QR UEM málimeti boiynsha, 2017 jyly elimizge AQSh-tan kelgen negizgi taýarlar:
- et pen úi qusynyń sýbónimderi (85,9 million dollarǵa);
- mashinalar men mehanizmder (81 million dollar);
- kran, klapan, ventil men sý qubyrlaryna arnalǵan osy tektes armatýra (45 million dollarǵa);
- jeńil jáne ózge de qozǵaltqyshty kólikter (40 million dollarǵa);
- reaktsiia jyldamdatqyshtary men katalizatorlar (38 million dollarǵa).
2017 jyly AQSh-tan Qazaqstanǵa import quny 1,24 milliard dollar boldy jáne 2016 jylmen salystyrǵanda 2 paiyzǵa azaiǵan (nemese 26 million dollar). Al 2016 jyly Qazaqstanǵa osy elden import - 1,27 milliard dollar.
Al 2017 jyly Qazaqstannan AQSh-qa eksporttalǵan negizgi taýarlar:
- ferroqospalar (7202) - 183,3 million dollar;
- ýran jáne onyń qosyndylary (2844) - 77 million dollar;
- sý tegi, gintern gazdar jáne ózge de metallǵa jatpaityndar (2804) - 26,8 million dollar;
- tantal jáne onyń ónimderi (8103) - 25,5 million dollar;
- óńdelmegen qorǵasyn (7801) - 16,9 million dollar.
2017 jylǵy Qazaqstannyń AQSh-qa eksporty 392 million dollar bolyp, 2016 jylmen salystyrǵanda 36 paiyzǵa nemese 221 million dollarǵa azaiǵan (2016 jylǵy eksport 613 million dollar).
2017 jylǵy elder arasyndaǵy saýda saldosy keri kórsetkishte jáne 852 million dollar boldy.
