Elimizge 30 mlrd-tan astam mlrd teńgeniń kontrafaktililik ónimin ákelingen. Bul týraly «Kazpatent» direktory Erbol Ospanov málim etti, dep habarlaidy QazAqparat.
«Antikontrafakt» forýmy zańsyz taýar ainalymyna qarsy kúres máselelerin talqylaityn ashyq alań. Atalǵan forým Qazaqstanda osymen ekinshi ret ótip otyr. Alǵashqy forým 2014 jyly uiymdastyryldy. EuromonitorInternational eýropalyq zertteý kompaniiasynyń málimetine sáikes, ótken jyldyń qorytyndysy boiynsha álemdik ekonomikada JIÓ (jalpy ishki ónim) kólemi 3 paiyzǵa deiin tómendedi. Nemese 2,2 trln dollardy joǵaltty. Saýda jáne integratsiia ministrliginiń málimetine sáikes, Qazaqstanǵa 30 mlrd-tan astam teńgege kontrafaktilik taýar ónimderi ákelingen», - dedi Erbol Ospanov OKQ-de ótken baspasóz máslihatynda.
Sondai-aq, spiker elimizge zańsyz jolmen keletin taýar túrlerin atady.
«Kontrafaktilik ónimder ekonomikanyń barlyq salasyna qatysty. Onyń ishinde azyq-túlik, sýsyndar, kiim-keshek, aiaq kiim, farmatsevtikalyq preparattar jáne elektronika da bar. Sonymen qatar sońǵy ýaqytta kontrafaktilik taýarlar qatarynda zamanaýi tehnologiianyń da qarasy kóbeidi», - deidi ol.
