Memlekettik kirister komiteti áleýmettik jeliler men messendjerler arqyly taraǵan jańa aiyppul týraly aqparattyń jalǵan ekenin jariialady, dep habarlaidy "Ult aqparat".
«Sońǵy ýaqytta áleýmettik jeliler men messendjerler arqyly ótken salyqtyq kezeńder boiynsha bereshegi bar azamattar boryshyn osy jyldyń 1 qazanyna deiin ótemegen jaǵdaida oǵan 8 AEK (20000 teńge shamasynda) kóleminde aiyppul salynatyny týraly habarlama taratylýda. Komitet bul aqparattyń shyndyqqa janaspaitynyn resmi túrde habarlaidy», - dedi vedomstvanyń baspasóz qyzmeti.
Komitettiń habarlaýynsha, jeke tulǵalar ótken jyl boiynsha jer jáne múlik salyqtaryn osy jyldyń 1 qazanyna deiin tóleýi tiis. Kólik salyǵy 31 jeltoqsanǵa deiin ótelýi kerek.
«Qoldanystaǵy QR Salyq zańnamasynda aiyppul esepteý sharalary kórsetilmegen. Tek salyqty ýaqtyly tólemegen jaǵdaida ótkizilgen ár kúnge ósimpul esepteledi. Sondai-aq, biylǵy jyldyń aiaǵyna deiin jeke tulǵalarǵa arnalǵan salyqtyq raqymshylyq úrdisi júrýde. Onyń talaptaryna sáikes, jeke tulǵa beresheginiń negizgi somasyn ótegen jaǵdaida ósimpul avtomatty túrde esepten shyǵarylady», - delingen habarlamada.
