Qazaqstandyqtar alyp jatqan vaktsinalardy halyqaralyq taný sertifikatyn alý baǵytynda jumys júrgizilip jatyr. Bul týraly QR DSM Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Ainagúl Qýatbaeva aitty, dep habarlaidy QazAqparat.
«Qajylyqqa saparlaý merziminiń jaqyndaýyna bailanysty vaktsinatsiia ózekti másele dep esepteimiz. Osyǵan orai Densaýlyq saqtaý ministrligi, ózge de memlekettik organdarmen birlesip, sonymen qatar Dúniejúzilik densaýlyq saqtaý uiymymen aqyldasa otyryp, Qazaqstanda jasalǵan vaktsinany ózge elderde de rastaityn sertifikatty qabyldaý máselesine qatysty óte belsendi jumys júrgizip jatyr. Búginde Mońǵoliiamen mundai jumys óte tyǵyz júrgizilý ústinde ekendigin atap ótýge bolady», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe bul bir kúnniń ishinde sheshile salatyn másele emes.
«Menińshe, qajylyqqa barý naýqany uiymdastyrylǵanǵa deiin bul máselege qatysty naqty jaýap alamyz dep oilaimyn. Bul rette qazaqstandyqtarǵa ekpe jasalyp jatqan vaktsinalardy dáleldeitin sertifikattardy taný jaiynda aityp otyrmyn»,- dedi Ainagúl Qýatbaeva.
