Foto: ©️ Tengrinews.kz / Turar Qazanǵapov
Astana ákimi Jeńis Qasymbekten elordaǵa óńirlerden azamattardyń kóshýi shektele me degen suraq qoiyldy, - dep habarlaidy Tengrinews.kz saity.
"Ýnitarly memleketpiz, Astanaǵa kóshetinderdi shekteý, ondai suraqtar bolýy múmkin emes. Bul - barsha qazaqstandyqtyń astanasy, olardyń munda kelýge quqyǵy bar. Jalǵyz jaýap osy bolýy múmkin", - dedi Qasymbek jýrnalisterdiń suraqtaryna jaýap bere otyryp.
Ákimniń aitýynsha, Astana infraqurylymyna bailanysty kóshi-qon aǵynyna daiyn emes.
"Rasynda, kommýnaldyq-turmystyq, injenerlik jáne áleýmettik infraqurylym boiynsha kóshi-qon qarqynynan belgili bir artta qalý bar, sondyqtan qazir tiisti sharalar qabyldanyp jatyr.
Joǵaryda aitylǵandai, mektepter men meditsinalyq mekemelerdiń, mektepke deiingi bilim berý nysandarynyń kóptep salynýy. Búgin osy máselege qatysty máselelerdiń barlyǵy derlik kóterildi, sonymen qatar tirshilikti qamtamasyz etý nysandarynyń qurylysy: jylý, sý, elektr energiiasy jáne t.b. Sondyqtan, bul máselelerdi jedel sheshýge tyrysamyz", - dedi Qasymbek.
