«KZ-CERT» RMK kompiýterlik intsidentterge áreket etý qyzmeti jáne NitroTeam JShS arasyndaǵy memorandým aiasynda birlesken sharalardyń arqasynda meditsinalyq kompaniia portalynda server konfigýratsiiasyna qatysty aqaý tabylyp, joiyldy, dep habarlaidy "Ult aqparat" «KZ-CERT» baspasóz qyzmetine silteme jasap.
«Osy aqaýdyń kesirinen kompaniia portalynda tirkelgen emdelýshiniń loginy men qupiia sózi kez kelgen internet qoldanýshyǵa qoljetimdi bolǵan. Al júiege qosyla alǵandar emdelýshiniń aty-jóni, telefon nómiri men email-adresi, sonymen qatar, meditsinalyq taldaý qorytyndylaryna qol jetkizgen. Bul jaǵdai tikelei aqparattyq qaýipsizdik saiasatyna qaishy» delingen habarlamada.
Aqaý bolǵan zerthananyń tanymaldyǵyn eskeresek, aqparattyń taralý aýqymyn elestetý qiyn. Qalai bolǵanda da, ortaq jáne shuǵyl júrgizilgen jumystyń nátijesinde jeke aqparattyń jáne zerthanalyq zertteýlerdiń áshkerelenýine jol berilmedi.
