«Biryńǵai jinaqtaýshy zeinetaqy qory» AQ 2021 jyldyń 1 tamyzdaǵy negizgi kórsetkishterin jariialady, dep habarlaidy QazAqparat.
2021 jyldyń 1 tamyzyndaǵy jaǵdai boiynsha Biryńǵai jinaqtaýshy zeinetaqy qory salymshylarynyń shottarynda 12,8 trillion teńge zeinetaqy jinaqtary qalyptasty. Soma 759 milliardtan asa teńgege nemese 6% ósti.
Zeinetaqy jinaqtarynyń negizgi somasy mindetti zeinetaqy jarnalary (MZJ) boiynsha qalyptasty, onyń mólsheri 12,5 trln teńge. Mindetti kásiptik zeinetaqy jarnalary (MKZJ) boiynsha zeinetaqy jinaqtarynyń somasy 335,7 mlrd teńge, al erikti zeinetaqy jarnalary (EZJ) boiynsha zeinetaqy jinaqtarynyń somasy 1,6 mlrd teńgege jetti.
1 tamyzdaǵy jaǵdai boiynsha BJZQ-da 11,6 mln jeke zeinetaqy shoty bar. Shottyń eń kóbi mindetti zeinetaqy jarnalary (MZJ) boiynsha ashyldy, olardyń sany – 10,9 mln. Odan ári MKZJ esebinen qalyptasqan shottar – 529 myń, BJZQ-daǵy EZJ esebinen qalyptasqan shottar sany qazir 49,6 myń.
2021 jyldyń jeti aiynda JZSh-ǵa túsken jarnalar kólemi ótken jyldyń sáikes kezeńindegi kórsetkishten 23% asyp, shamamen 741 mlrd teńgege jetti. Basym bóligin – 708,7 mlrd teńge nemese 95,7% - MZJ boiynsha aýdarymdar quraidy.
BJZQ tólemderi jyl basynan beri 1,8 trln teńgeden asty. Jalpy somanyń shamamen 1,7 trln teńgesi birjolǵy zeinetaqy tólemderi (BZT) túrinde turǵyn úi jaǵdaiyn jaqsartý jáne emdelý úshin tólendi. Bul rette turǵyn úi jaǵdaiyn jaqsartýǵa ortasha tólem 4,4 mln teńgeni, emdelýge ortasha tólem - 0,9 mln teńgeni qurady.
Zeinet jasyna tolý boiynsha tólemder 54,7 mlrd teńgeden asty. Keste boiynsha ai saiynǵy ortasha tólem somasy (zeinetkerlik jasqa tolýyna bailanysty) 28,6 myń teńgeni qurady, jasyna bailanysty ai saiynǵy eń joǵary tólem 673,6 myń teńge.
