2019 jyldyń 1 qazanyndaǵy jaǵdai boiynsha, qazaqstandyqtardyń zeinetaqy jinaǵynyń jalpy somasy 10,4 trln teńgege jetti, dep habarlaidy "Ult aqparat" Biryńǵai jinaqtaýshy zeinetaqy qoryna (BJZQ) silteme jasap.
Onyń ishinde mindetti zeinetaqy jarnalary (MZJ) boiynsha jinaqtar somasy – 10,2 trln teńge, mindetti kásiptik zeinetaqy jarnalarynyń (MKZJ) jalpy somasy – 233,6 mlrd teńge jáne erikti zeinetaqy jarnalary (EZJ) – 1,9 mlrd teńge.
«Jyl basynan beri zeinetaqy jinaqtary 1,04 mlrd teńgege nemese 11 paiyzǵa ósti. Bul rette, zeinetaqy jarnalarynyń barlyq túrleri boiynsha túsimder – 714,3 mlrd teńge, taza investitsiialyq tabys kólemi – 481,9 mlrd teńge jáne zeinetaqy tólemderi 154,2 mlrd teńge boldy», - delingen zeinetaqy qorynyń resmi saitynda.
Atalǵan kezeńde BJZQ-da 308,5 myń jeke zeinetaqy shoty, onyń 273,6 myń shoty MZJ esebinen ashylǵan. Al bul shottardyń 64 paiyzy 30 jasqa deiingi salymshylarǵa tiesili. Qarastyrylyp otyrǵan kezeńde ai saiynǵy mindetti zeinetaqy jarnalarynyń ortasha somasy – 17 149 teńgege jetti.
2019 jyldyń toǵyz aiy ishinde belsendi salymshylardyń sany 6,1 mln adam, olardyń ishinde 6 jáne odan da kóp jarna jasaǵandar 4,6 mln adam boldy.
«2019 jyldyń qańtar-qyrkúiek ailary aralyǵynda salymshylar men alýshylardyń shottaryna eseptelgen taza investitsiialyq tabys somasy 481,9 mlrd teńgeden asty. Bul rette, zeinetaqy jinaqtarynyń tabystylyǵy sońǵy 12 ai ishinde 8,4 paiyzdy qurady. Bul kezeńde infliatsiia deńgeii 5,3 paiyzdy kórsetti. Osylaisha, zeinetaqy aktivteriniń tabystylyǵy infliatsiiadan joǵary bolyp, naqty tabystylyq oń sipatqa ie bolyp otyr», - delingen habarlamada.
