BJZQ salymshylarynyń teń jartysy óz jinaǵyn internet arqyly baqylaidy. Bul týraly Qordyń baspasóz qyzmeti habarlady.
«BJZQ» AQ salymshylardy (alýshylardy) ózderiniń jeke zeinetaqy shottarynyń (JZSh) jai-kúii týraly habardar etý boiynsha turaqty túrde jumys júrgizip otyrady.
Jeke zeinetaqy shotynyń jai-kúii týraly aqparatty BJZQ keńselerine tikelei ózi kelgende, sondai-aq, dástúrli poshta arqyly úzindi kóshirme alý jáne elektrondyq tásil arqyly bilýge bolady.
Qazirgi ýaqytta JZSh-nyń jai-kúii týraly aqparattandyrýdyń eń tanymal tásili – elektrondyq tásil. 2021 jyldyń 1 aqpanyna ony 6,7 mln astam JZSh ieleri tańdady. Bul rette 5 876 269 shottyń jai-kúii týraly salymshylar men alýshylar enpf.kz saityndaǵy jeke kabinet arqyly nemese ENPF mobildi qosymshasynda bile alady. Osyndai habarlaý tásilin tańdaǵandar sany bir jyl ishinde 248 531 adamǵa kóbeidi.
BJZQ-ǵa usynylǵan elektrondyq poshta mekenjaiy arqyly úzindi kóshirmeni 836 399 salymshy alady. Esterińizge sala keteiik, aqparattandyrýdyń osy ádisine sáikes JZSh-dan úzindi-kóshirme salymshyǵa tańdalǵan kestege sai elektrondyq poshta arqyly keledi.
Dástúrli poshta arqyly aqparattandyrý óz tanymaldylyǵyn birtindep joǵaltýda. 2021 jyldyń 1 aqpanyndaǵy jaǵdai boiynsha osy tásilmen 1 268 206 salymshy óz JZSh-syn baqylaidy eken. Bul ótken 2020 jylǵy 1 aqpanǵa qaraǵanda 81,9 myńǵa az. Eger salymshy JZSh-dan úzindi kóshirmeni jylyna bir ret dástúrli poshta arqyly alýdy qalap, biraq turǵylyqty mekenjaiyn ózgertken bolsa, onda ol bul týraly Qorǵa habarlaýy tiis ekenin esterińizge salamyz. Aitqandai, «Qazaqstan Respýblikasynda zeinetaqymen qamsyzdandyrý týraly» QR Zańynda muny mekenjaiy ózgergennen keiingi 10 kún ishinde júzege asyrý qajet dep kórsetilgen. Olai bolmaǵan jaǵdaida, poshta operatory JZSh-dan úzindi kóshirmeni mekenjai iesine jetkize almaidy jáne ol Qorǵa qaityp oralady, iaǵni Qor JZSh-dan úzindi-kóshirmeni kelesi jyly mundai salymshyǵa jibermeidi.
BJZQ zeinetaqy shotyn kez-kelgen yńǵaily tásilmen únemi qadaǵalap otyrý qajettiligin eske salady. Sebebi, ol shottyń únemi tolyqtyrylyp otyrǵanyna jáne bolashaq zeinetaqyny josparlaýǵa senimdi bolý úshin kerek.
