2021 jylǵy aqpanda bir qyzmetkerdiń ortasha ailyq ataýly jalaqysy 223 213 teńge boldy. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
«2021 jylǵy qańtarda halyqtyń orta eseppen jan basyna shaqqandaǵy ataýly aqshalai tabystary 115 684 teńgeni (aldyn ala derekter) qurady. Bul 2020 jylǵy qańtarǵa qaraǵanda 4,8% joǵary, naqty aqshalai tabys kórsetilgen kezeńde 2,4% tómendedi.
2021 jylǵy aqpanda bir qyzmetkerdiń ortasha ailyq ataýly jalaqysy baǵalaý boiynsha 223 213 teńgeni qurady», - delingen aqparatta.
Sondai-aq málim etilgendei, 2020 jylǵy IV toqsanda elimizde jumyssyzdar sany 453 myń adamdy qurady. Jumyssyzdyq deńgeii jumys kúshi sanyna 4,9% qurady. Jumyspen qamtý organdarynda tirkelgen adamdar sany 2021 jylǵy aqpanyń sońyna 192 myń adamdy qurady.
Budan bólek, 2021 jylǵy aqpanda 2020 jylǵy jeltoqsanmen salystyrǵanda tutyný baǵasynyń indeksi 101,3% qurady.
Azyq-túlik taýarlaryna baǵalar – 2,2%, azyq-túlik emes taýarlarǵa – 0,7%, halyqqa arnalǵan aqyly kórsetiletin qyzmetterge 0,6% ósti.
Ónerkásip ónimderine óndirýshi kásiporyndar baǵasy 2021 jylǵy aqpanda 2020 jylǵy jeltoqsanmen salystyrǵanda 8,4% qymbattady.
