QR Qarjy naryǵyn retteý jáne damytý agenttigi ipotekalyq nesiesi bar azamattardy qoldaý sharalary týraly aityp berdi, dep habarlaidy "Ult aqparat".
2015 jyldan bastap QR Prezidentiniń tapsyrmasymen Qazaqstanda Ipotekalyq nesielerdi qaita qarjylandyrý baǵdarlamasy qolǵa alynǵan bolatyn. Oǵan 286 mlrd teńge qarajat bólindi.
«Búginde 27,3 myń qazaqstandyqtyń syiaqy mólsherlemesi 3% tústi. 7,9 myń adamnyń valiýtalyq qaryzdaryna konvertatsiia jasalyp, olardyń qaryzdyq júktemesi eki esege azaidy. Áleýmettik turǵydan az qorǵalǵan topqa jatatyn 8 myń adamnyń negizgi qaryzy azaityldy», - dedi agenttik tóraǵasynyń orynbasary Nurlan Ábdirahmanov.
Onyń aitýynsha, halyqtyń 388,6 myń ipotekalyq nesie boiynsha qaryzy 2,4 trln teńgege jetken.
386,1 myń nesie - teńgemen alynǵan, 2,5 myń nesie - sheteldik valiýtada.
«Qolǵa alynǵan sharalardyń arqasynda ipotekalyq portfeldegi problemalyq nesieler 7% tómendedi», - dedi spiker.
