Qazaqstanda Taýarlar baqylanýynyń ulttyq júiesi qurylyp jatyr. Bul týraly QR Premer-Ministriniń birinshi orynbasary Álihan Smaiylov aitty, dep habarlaidy QazAqparat.
«Prezident tapsyrmasyna sáikes, kóleńkeli ekonomikaǵa qarsy is-qimyl jospary ózektendiriledi. Ofshorlyq quziretke aqsha aýdarymdary bóliginde zańnama jetildiriletin bolady. Osy jyldyń sońyna deiin Ekonomikalyq yntymaqtastyq jáne damý uiymy elderiniń salyq organdary arasyndaǵy jeke jáne zańdy tulǵalardyń qarjylyq esepshoty týraly alǵashqy aqparat almasý bolady dep josparlanyp otyr. Soǵan orai elimizdiń rezidentteri boiynsha alynǵan málimetter saralanady», - dedi birinshi vitse-premer Úkimet úiindegi baspasóz máslihatynda.
Sonymen qatar onyń aitýynsha, salyqtyq jáne kedendik ákimshileýdi tsifrlandyrý jumystary da ózektendirilip, odan ary jalǵasady.
«Qazirdiń ózinde Taýarlar baqylanýynyń ulttyq júiesi qurylyp jatyr. Osy jyldyń 1 qazanynan temeki buiymdaryn tańdalaý engiziledi. Tańbalanýǵa jatatyn taýarlar tizilimi únemi keńeitilip otyrady. Bul ekonomikadaǵy kóleńkeli ainalymdy ásirese saýdada aitarlyqtai tómendetýge múmkindik beredi», - dedi Álihan Smaiylov.
