HeadHunter kompaniiasynyń zertteý ortalyǵy 2019 jyly qandai maqsatpen jańa jumys izdeitinderin anyqtaý úshin qazaqstandyqtardyń arasynda saýalnama júrgizdi, dep habarlaidy QazAqparat tilshisi.
2019 jyldyń qańtar-aqpan ailaryndaǵy eńbek naryǵyndaǵy usynys pen suranys tendentsiialaryn taldaýǵa súiensek, saýalnamaǵa Qazaqstannyń barlyq óńirinen 8 243 adam qatysqan. Negizinen 26-35 jas aralyǵyndaǵy qatysýshylar belsendi bolǵan. Olar jalpy qatysýshylardyń 39% quraidy.
Budan tys, respondentterdiń 85% biyl jańa jumys izdemek.
Nelikten jumysyńyzdy almastyrǵyńyz keledi degen suraqqa berilgen basty jaýap - joǵary jalaqy boldy.
«2019 jyldyń qańtar-aqpan ailarynda jumys izdeýshiler qalaityn jalaqy diapazony negizinen 114 400 teńgeden 171 600 teńge aralyǵynda boldy. Ekinshi orynda - 85-114 myń teńgeniń diapazony», - deidi kompaniianyń marketing jáne PR bóliminiń menedjeri Dana Qasymova.
Jyl basynan satýshy, esepshi, basqarýdaǵy esep, qarjy, ákimshilik qyzmetkerleri, óndiris, aqparat tehnologiialary, internet, telekom, kólik, bank qyzmetkeri, investitsiialar, lizing, qurylys, top-menedjment siiaqty jumystarǵa suranys joǵary bolǵan.
