Ekonomist Evgenii Kochetov Qazaqstannyń barlyq óńirindegi et indeksin jasap shyǵardy, dep habarlaidy "Ult aqparat".
«Álemde eldiń aýqattylyǵyn anyqtaityn birneshe indeks bar. Máselen, Reseide «býterbrod indeksi», valiýtanyń naqty qunyn anyqtaityn «Big Mak» indeksi bar. Oǵan balama retinde «ET INDEX-in» usynamyn», - dedi Evgenii Kochetov.
Qazaqstandyq indekstiń negizi retinde jylqy eti tańdap alynǵan, sebebi dál osy jylqy eti ulttyq ashanada mańyzdy ról oinaidy. Iaǵni, indekste qazaqstandyqtardyń jylqy etin satyp alý múmkindigi qarastyrylady.
«Máselen, qańtar aiynda atyraýlyqtardyń tabysy shamamen 112 keli et alýǵa múmkindik beredi. Eń tómen kórsetkish Túrkistan oblysynda tirkelgen, óńir turǵyndary aiyna 27 keli et ala alady. Biraq, bir keli jylqy etiniń baǵasy Atyraýda 1680 teńge bolsa, Túrkistan obylsynda - 1600 teńge», - dep atap ótti E. Kochetov.
Onyń aitýynsha, «ET INDEX-i» ár aidyń 15-i kúni júrgiziledi jáne osylaisha óńirlerdegi halyqtyń ál-aýqatyn anyqtaýǵa bolady.
Qańtar aiyndaǵy indekske sáikes, eń kóp jylqy etin Atyraý oblysynyń turǵyndary ala alady - ár adamǵa 112 keli etten keledi. Mańǵystaý oblysynda bul kórsetkish 75 kelini, Astana men Almatyda 74 jáne 71 kelini kórsetken. Batys Qazaqstan obylsynda - árbir turǵyn aiyna 61 kg jylqy etin ala alady. Eń tómen kórsetkish Shymkent qalasy (35 keli) men Túrkistan obylsynda (27 keli) tirkeldi.
Et baǵasyna kelsek, eń qymbat jylqy eti Almaty qalasynda satylady (bir kelisi - 2000 teńge). Eń arzan et Shyǵys Qazaqstan oblysynda (1527 teńge). Aýdandar arasynda eń qymbat baǵa Almaty oblysynyń Ile aýdanynda (1 keli jylqy eti - 2150 teńge), eń arzan baǵa - Pavlodar oblysynyń Jelezin aýdanynda (1370 teńge).
Tolyq esepti ekonomist óziniń Facebook paraqshasynda jariialady.
