Búginde zeinetaqy qorynyń qarajattaryn sheteldik senimdi qarjy instrýmentterine salý jalǵasyp jatyr. Ulttyq bank qordyń aqshasyn Úndistan men Qytaidyń memlekettik korporatsiialaryna investitsiia retinde quiǵan. Biyl mamyr aiynda atalǵan eki eldiń kvazisektorynan 30 mlrd teńgege jańa obligatsiialar satyp alynypty, - dep habarlaidy "Astana" telearnasy.
Atap aitsaq, elimizdiń bas banki Finance Corporation - 7,52 milliard teńge, The Export-Import Bank of China - 6,82 milliard teńge, Export-Import Bank of India - 4,86 milliard teńge, Three Gorges Finance - 3,21 milliard teńge jáne Avi Funding Company Limited - 2,27 milliard teńge qarjy quiǵan. Bul kásiporyndar men bankter - Qytai jáne Úndistandaǵy munai-gaz, kólik jáne energetika salasynda jemisti eńbek etip jatqan mekemeler. Olar memlekettiń baqylaýynda kórinedi.
Bul elderden bólek zeinetaqy qorynyń qarajattary Braziliia, Resei, AQSh siiaqty damyǵan elderdiń baǵaly qaǵazdar naryǵynda paida ákelip jatyr eken.
Biryńǵai jinaqtaýshy zeinetaqy qorynyń negizgi qarajatyn, iaǵni 78 paiyzyn, qazaqstandyq kompaniialar investitsiia túrinde paidalanyp otyr. Al sheteldik naryqtaǵy obligatsiialardy satyp alýǵa ketken qarajat kóp emes. Ol qorǵa jinaqtalǵan qarjynyń 1,3 paiyzyn quraidy. Aita ketý kerek, 2018 jyldyń mamyr aiyndaǵy esep boiynsha qordyń qarajaty 8 trillion teńgeden asady. Tek sońǵy bir aida ol 128 milliard teńgege ótken.
"Jalpy qordyń tabysyna qarasaq, ol qazir 8,2 trillion teńgege jetti. Tipti ai saiyn túsetin qarajat kólemi de ósip jatyr. Munshama qomaqty qarjy ekonomikaǵa jumys isteýi kerek, senimdi kompaniialarǵa investitsiia retinde quiylǵany durys. Sondyqtan qor qarajatyn sheteldiń memlekettik obligatsiialaryn satyp alýǵa qoryqpai salǵan jón. Ol tabys ákeletin bolady", - deidi Qazaqstan qarjygerler qaýymdastyǵynyń sarapshysy Merei Isabekov.
