2019 jyldyń 21 tamyzynan 30 qarashasyna deiin «Túbirtekti talap et te – júldeni utyp al!» jyl saiynǵy aktsiiacynda 3 000 000 teńge jáne avtokólik oiynǵa salynady. Bul týraly Memlekettik kirister komiteti habarlaidy.
Aktsiianyń maqsaty – azamattyq belsendilikti arttyrý, taýarlardyń, jumystardyń jáne qyzmetterdiń tutynýshylary retinde óz múddelerin qorǵaý máselelerinde azamattardyń quqyqtyq mádenietin tárbieleý, kóleńkeli ekonomikanyń mólsherin qysqartý, sondai-aq kásipkerler arasynda ádil básekelestikti yntalandyrý.
«Aktsiiaǵa onlain-BKM fiskaldy cheginiń derekterin jiberý jolymen taýardyń, jumystyń nemese qyzmettiń tutynǵanyn rastaǵan Qazaqstan azamattary qatysa alady. Chekti jibergennen keiin qatysýshy 5 000 teńgege deiingi qarajatty birden telefon teńgerimine alý múmkindigin alady. Jedel syilyqtardyń júlde qory 3 000 000 teńgeni quraidy. Barlyq jiberilgen chekter aktsiianyń bas júldesi - avtokólik utys oiynyna qatysady. Eger fiskaldy chek berilmegen jaǵdaida, azamattar bul buzýshylyqtarǵa video arqyly shaǵym jasaýy múmkin. Aktsiia kezinde utysqa onlain-BKM fiskaldy chekteri qatysady»,- delingen Komitet habarlamasynda.
Bas final jyldyń sońynda QR QM Memlekettik kirister komitetinde ótedi. Onda baǵaly syilyqtar, onyń ishinde bas júlde – avtomobil utysqa salynady. Utys jeńimpazdary chekti kezdeisoq tańdaý ádisimen anyqtalatyn bolady. Osylaisha, qatysýshy qanshalyqty kóp chek jiberse, júldeni utyp alý múmkindigi de sonshalyqty óse túsedi.
Aktsiia kásipkerlerdiń qolma-qol aqshamen taýarlardy satyp alǵany, jumystardy oryndaǵany jáne qyzmetterdi kórsetkeni úshin aqshalai esep-aiyrysýlar kezinde chekterdiń berýin qamtamasyz etýge baǵyttalǵan.
