Foto: Sergei Savostianov / TASS
Parlament Májilisi 2024 jyldan bastap qazaqstandyqtardy saýsaq izin tapsyrýǵa mindetteitin normany alyp tastaityn zańdy qabyldap, Senatqa joldady, - dep habarlaidy Sputnik Qazaqstan.
Qazaqstan azamattary úshin daktiloskopiialyq tirkeýdi alyp tastaý normasy "Keibir zańnamalyq aktilerge Memlekettik korporatsiia máseleleri boiynsha ózgerister men tolyqtyrýlar engizý týraly" zań jobasynda qarastyrylǵan.
Kelesi jyldan bastap qazaqstandyqtar saýsaq izderin erikti túrde tapsyrady.
"Qujattardy alǵan kezde Qazaqstan azamattarynyń daktiloskopiialyq tirkeýden ótý mindettiligi alynyp tastalady. Qazaqstandyqtar tirkeýden óz erkimen óte alady. Bul rette daktiloskopiia sheteldik azamattar úshin mindetti bolady", - dedi Májilis depýtaty, ekonomikalyq reforma jáne óńirlik damý komitetiniń hatshysy Ekaterina Smyshliaeva tómengi palatanyń jalpy otyrysynda.
Sonymen qatar sheteldikter men azamattyǵy joq adamdar úshin JSN alý úshin Qazaqstan aýmaǵyndaǵy tirkeý organdaryna jeke ótinish berý talaby engiziledi.
Májilis depýtattary zańdy ekinshi oqylymda qabyldap, Senattyń qaraýyna joldady.
Aita keteiik, buǵan deiin IIM 2024 jyldan bastap Qazaqstannyń 16 jasqa tolǵan barlyq azamaty jáne elde turaqty turatyn sheteldikter saýsaq izin tapsyrýǵa mindetteletinin málimdegen edi.
Daktiloskopiia Halyqqa qyzmet kórsetý ortalyǵynda jańa pasport nemese jeke kýálik jasatqan kezde qoldanylady.
