Foto: pixabay.com
Biyl týristik joldama qymbattaǵanymen qazaqstandyqtar Túrkiiaǵa saiahattap barý boiynsha rekord jańartty, dep habarlaidy "Ult aqparat" Stan.kz aqparat agenttigine silteme jasap.
Maýsym aiynyń qorytyndysy boiynsha Túrkiiaǵa týristik joldama baǵasy jyldyq mánde 28,5%, shildede 35,5%, tamyzda 39,3% kóterilgen. Alaida baǵanyń kóterilýi qazaqstandyqtardy tańǵaldyrmaǵan siiaqty.
Jaqynda Túrkiianyń mádeniet jáne týrizm ministrligi elderine kelgen sheteldikter týraly jańa statistikany jariialady. Nátijesinde maýsym-tamyz ailarynda Qazaqstan azamattarynyń Túrkiiaǵa 440,4 myń ret barǵany belgili boldy.
Qazirgi nátije byltyrǵydan 7% joǵary ǵana emes, sonymen qatar jaz ailary úshin eń joǵary kórsetkish.
Bul sol elge kirgender sany boiynsha statistika ekenin atap óteiik. Sebebi barlyq qazaqstandyqtardyń Túrkiiada qansha ýaqytqa jáne ne úshin barǵany belgisiz. Biraq 2022 jáne 2023 jyldardaǵy naqty málimetterde eń tanymal baǵyt – Antaliia.
