El turǵyndary 2021 jyldyń tamyz aiynda 2400-den astam altyn quima satyp aldy, dep habarlaidy "Ult aqparat" Ulttyq banktiń baspasóz qyzmetine silteme jasap.
2021 jyldyń tamyz aiynda qazaqstandyqtar ekinshi deńgeidegi bankterden jáne aiyrbastaý pýnktterinen jalpy salmaǵy 113,7 keli 2460 ólshemdi quima satyp aldy.
Altyn quimalary 5, 10, 20, 50 jáne 100 gramdyq bolyp bes salmaqta satylǵan. Sonyń ishinde eń kóp satylǵany 10 gramdyq quima.
Negizinen, ólshengen quimalar Almaty, Nur-Sultan jáne Atyraý qalalarynda suranysqa ie.
Árbir quima qorǵanysh elementterimen (quimalardyń bet jaǵy ainadai, mikromátin jáne bederli gýrt) jáne quimalardy mehanikalyq zaqymdanýdan qorǵaityn jáne oraýy ashylǵanyn nemese ashylmaǵanyn tez anyqtaýǵa múmkindik beretin arnaiy oraýda shyǵarylady. Qorǵanysh oraýy quima sapasynyń sertifikatyn bildiredi.
Qazirgi kezde altyn quimalaryn Halyk Bank-ten, Eýraziialyq ankten, Jýsan Bank-ten, Bank TsentrKreditten, sondai-aq aiyrbastaý pýnkterinen satyp alýǵa jáne olardy qaita ótkizýge bolady.
