Qazaqstandyqtar endi Perý Respýblikasyna 30 kúnge vizasyz bara alady. Bul týraly Úkimettiń tiisti qaýlysy «Ashyq» NQA saitynda jariialandy, dep habarlaidy QazAqparat.
«Jaramdy jol júrý qujattary bar QR azamatynan Perý Respýblikasyna 30 kúnnen aspaityn ýaqytqa bir nemese birneshe ret barǵanda, tranzitpen ótkende jáne ýaqytsha bolǵan kezde olardan vizalyq talaptar suralmaidy. Perý Respýblikasynyń aýmaǵynda bolǵan kezde óziniń qujattaryn joǵaltqan Qazaqstan Respýblikasynyń azamaty sol eldegi Qazaqstan elshiligine nemese konsýldyq bólimshelerine baryp, ókildikter usynǵan ýaqytsha qujat arqyly Perý aýmaǵynan tys jerlerge shyǵa alady», - delingen qaýlyda.
Qazaqstan Respýblikasynyń azamatynda bolýy tiis qujattar:
- diplomatiialyq pasport;
- qyzmettik kýálik;
- Qazaqstan Respýblikasynyń azamaty ekenin rastaityn kýálik;
- Qazaqstan Respýblikasyna qaityp oralýǵa arnalǵan kýálik.
Qujatqa sáikes, tótenshe jaǵdai nemese ózge de oqys oqiǵaǵa tap bolyp, Perý territoriiasynan ketý múmkindigi bolmaǵan qazaqstandyqtar sol eldiń quzyretti organdaryna ótinish berip, turý merzimin uzarta alady.
