Qazaqstan Respýblikasynyń azamattaryna shet memleketke shyǵý zańdylyǵy túsindirildi, dep habarlaidy QazAqparat.
«Qazaqstan Respýblikasynyń shekarasynan ótý týraly erejege sáikes, bizdiń eldiń azamattary 1 aida (30 kúnniń ishinde) 1 ret óziniń elden shyǵý sebebin túsindirip, dáleldemei-aq basqa elge bara alady. Eger azamat atalǵan ýaqyt ishinde elden 1 ret shyǵyp kelip, qaita shetelge attanǵysy kelse, onda syrt memleketke barý sebebin túsindirýi tiis. Degenmen kei azamattarǵa 30 kúndi kútpei-aq shetelge barýǵa ruqsat beriledi. Atap aitqanda, azamat shetelde oqyǵan jaǵdaida, fors-major bolǵanda iaǵni otbasy músheleri nemese jaqyndary aýyryp qalsa nemese qaza tapqanda, em alý maqsatynda (em alýǵa bara jatqanyn dáleldeitin tiisti qujattary bolýy tiis), sol siiaqty shet memlekette turaqty mekenjaiy bolǵan jaǵdaida ruqsat beriledi», - dedi QR UQK shekara qyzmeti shekaralyq baqylaý departamenti basshysynyń orynbasary Muńdash Mollashev.
Onyń aitýynsha, qazaqstandyqtar shetelge shyǵý úshin shekaralyq qyzmettiń 3 túrin qoldana alady. Ol - áýe, avtokólik jáne teńiz qatynasy.
