Qazaqstandyqtar Reseige úshinshi elderden ushyp bara alady, dep habarlaidy "Ult aqparat" QR SIM telegram kanalyna silteme jasap.
Mundai tártip Resei Federatsiiasy Úkimetiniń 2021 jylǵy 14 sáýirdegi N 963-ókimimen qarastyrylǵan.
Endi Qazaqstan azamattary Reseige turaqty áýe qatynasyn qalpyna keltirgen barlyq elderdiń reisterimen eshqandai kedergisiz ushyp kele alady.
Qazirgi ýaqytta Resei kelesi eldermen turaqty jolaýshylar reisterin júzege asyrady: Qazaqstan, Ulybritaniia (2021 jyldyń 1 maýsymyna deiin toqtatyldy), Tanzaniia (belgisiz merzimge toqtatyldy), Túrkiia, Shveitsariia, Mysyr, Maldiv araldary, Birikken Arab Ámirlikteri, Qyrǵyzstan, Koreia Respýblikasy, Kýba, Serbiia, Japoniia, Seishel araldary, Efiopiia, Vetnam, Úndistan, Katar, Finliandiia, Ázerbaijan, Armeniia, Grekiia, Singapýr, Venesýela, Germaniia, Siriia, Tájikstan, Ózbekstan, Shri-Lanka.
Aita keteiik, buǵan deiin QR azamattary Qazaqstannan Reseige tikelei áýe reisterimen ǵana kedergisiz ushyp kele alatyn, úshinshi elder arqyly ushyp kelý osy elderde turýǵa yqtiiarhaty bolǵan jaǵdaida ǵana múmkin bolǵan.
Sondai-aq, Reseige kirý kezinde sheteldik azamattarǵa shekaradan ótkenge deiin keminde 72 saǵat buryn berilgen PTR ádisimen COVID-19 testiniń teris nátijesi bar anyqtama qajet bolady.
