Resei Federatsiiasy Úkimetiniń 2022 jylǵy 29 naýryzdaǵy №656-r qaýlysyna sáikes, Qazaqstan azamattary Reseige qurlyqtaǵy ótkizý pýnktteri arqyly qosymsha negizdersiz erkin kire alady.
Bul týraly Qazaqstannyń Reseidegi elshiligi habarlady.
«NAZAR AÝDARYŃYZ! Qazaqstan azamattarynyń Reseige kirýi tek Resei-Qazaqstan jáne Resei-Mońǵoliia shekaralarynyń qurlyqtaǵy ótkizý pýnktteri arqyly ǵana múmkin.
Reseidiń basqa memlekettermen shektesetin qurlyq shekarasynyń ótkizý pýnktteri arqyly kirý áli de shekteýli jáne tek belgili sanattaǵy azamattarǵa ruqsat etiledi.
Reseige qurlyqtaǵy ótkizý pýnktteri arqyly kirgen kezde «Pýteshestvýiý bez COVID-19» mobildik qosymshasy arqyly koronavirýsqa PTR testiniń teris nátijesiniń (daiyn bolǵan sátten bastap shekaradan ótkenge deiin 48 saǵattan aspaýy kerek) bolýyn rastaý qajet. Apple qurylǵylaryna arnalǵan qosymshanyń mobildik nusqasyn silteme arqyly, Android qurylǵylaryna arnalǵan nusqasyn silteme arqyly júkteýge bolady.
Nazar aýdaryńyz! Reseige kirgen kezde koronavirýsqa teris PTR testi jas ereksheligine qaramastan barlyq azamattardan (onyń ishinde 5 jasqa deiingi balalardan) talap etiledi.
Smartfony joq kishkentai balalarmen nemese qart týystarymen saiahattaǵan jaǵdaida qosymsha qurylǵylar qajet emes. Sizdiń, sondai-aq, balalar men qart týystaryńyzdyń PTR synaqtarynyń nátijelerin bir mobildi qurylǵydaǵy qosymshada biriktirýge bolady», - delingen habarlamada.
