Qazaqstandyqtar Qazcovid-in vaktsinasyn osy jyldyń sáýir aiynyń aiaǵynda ala bastaidy. Bul týraly Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide aityldy, dep habarlaidy QazAqparat.
«QazCOVID-in vaktsinasynyń klinikalyq synaǵynyń úshinshi fazasy 2021 jyly 9 shilde kúni aiaqtalady. Odan keiin 3000 eriktiden alynǵan málimetterdi óńdeý boiynsha úlken jumys bastalady. Bul shamamen 20 kúntizbelik kúndi alady. Odan keiin biz jasaǵan esep tolyq kólemde QR Densaýlyq saqtaý ministrligine jetkiziledi», - dedi Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
Onyń aitýynsha, reseilik «Spýtnik V» vaktsinasy zertteýdiń ekinshi fazasynan keiin qoldanysqa engizildi.
«Álemdegi barlyq el úshinshi fazanyń aiaqtalýyn kútpesten vaktsina egýdi qolǵa alyp jatyr. Resei ózderi shyǵarǵan vaktsinanyń úshinshi fazasyna qatysty kóp zertteý jumysyn júrgizdi. Bizde de osyndai jaǵdai bolyp jatyr. Synaqqa qatysqan 3 000 adamnyń 1500-ine zertteý jumysy júrgizilip, osy málimetter negizinde QR Densaýlyq saqtaý ministrligi buryn baryp kórmegen qadamǵa barýǵa daiyn. Iaǵni, sáýir aiynan bastap qazaqstandyq vaktsinany ege bastaidy, sebebi onyń paidasy joǵary. Synaq jumystarynyń birinshi fazasynan keiin bul vaktsinany 44 erikti, ekinshi fazasynan keiin 2000 erikti qabyldady. Endi bul vaktsinany meditsinalyq turǵyda bárine egý úshin úshinshi fazada 1500-den kem emes erikti synaqtan ótýi kerek. Sonda ǵana bul faktsina qaýipsiz ári tiimdi dep aita alamyz», - dep atap ótti QR DSM MFBK «Dárilik zattar men meditsinalyq buiymdardy saraptaý ulttyq ortalyǵy» ShJQ RMK Bas direktory – Basqarma Tóraǵasy Erken Daýtbaev.
Iaǵni, Qazaqstan da, Resei de bir jolmen júrip keledi.
«Birinshi, ekinshi fazada vaktsina ýaqytsha tirkeledi. Sonymen qatar klinikalyq synaqtyń úshinshi fazasy júrip otyrady jáne vaktsina óndirile bastaidy. Qazaqstanda da dál osy jaǵdai. Birinshi, ekinshi fazadan óttik jáne vaktsinany ýaqytsha tirkedik. Vaktsinany óndirýge ruqsat aldyq jáne óndire bastadyq. Sonymen qatar, klinikalyq synaqtyń úshinshi fazasyn bastadyq. Eskere ketetin bir jait, Qazaqstanda koronavirýs shtamy Reseimen salystyrǵanda úsh aidan keiin paida boldy, sol sebepti Resei bul protsess boiynsha bizdiń aldymyzda kele jatyr. Bizdiń elde koronavirýspen aýyrǵandar 2020 jyly naýryz aiynyń ortasynda paida boldy. Basqa ólshemder boiynsha Reseimen qatar kele jatyrmyz. Qazaqstandyqtar Qazcovid-in vaktsinasyn osy jyldyń sáýir aiynyń aiaǵynda ala bastaidy», - deidi Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
