قازاقستاندىقتار Qazcovid-in ۆاكتسيناسىن وسى جىلدىڭ سەۋٸر ايىنىڭ اياعىندا الا باستايدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن «Qazcovid-in قازاقستاندىق ۆاكتسيناسى تۋرالى» بريفينگٸدە ايتىلدى, دەپ حابارلايدى قازاقپارات.
«QazCOVID-in ۆاكتسيناسىنىڭ كلينيكالىق سىناعىنىڭ ٷشٸنشٸ فازاسى 2021 جىلى 9 شٸلدە كٷنٸ اياقتالادى. ودان كەيٸن 3000 ەرٸكتٸدەن الىنعان مەلٸمەتتەردٸ ٶڭدەۋ بويىنشا ٷلكەن جۇمىس باستالادى. بۇل شامامەن 20 كٷنتٸزبەلٸك كٷندٸ الادى. ودان كەيٸن بٸز جاساعان ەسەپ تولىق كٶلەمدە قر دەنساۋلىق ساقتاۋ مينيسترلٸگٸنە جەتكٸزٸلەدٸ», - دەدٸ بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريا.
ونىڭ ايتۋىنشا, رەسەيلٸك «سپۋتنيك V» ۆاكتسيناسى زەرتتەۋدٸڭ ەكٸنشٸ فازاسىنان كەيٸن قولدانىسقا ەنگٸزٸلدٸ.
«ەلەمدەگٸ بارلىق ەل ٷشٸنشٸ فازانىڭ اياقتالۋىن كٷتپەستەن ۆاكتسينا ەگۋدٸ قولعا الىپ جاتىر. رەسەي ٶزدەرٸ شىعارعان ۆاكتسينانىڭ ٷشٸنشٸ فازاسىنا قاتىستى كٶپ زەرتتەۋ جۇمىسىن جٷرگٸزدٸ. بٸزدە دە وسىنداي جاعداي بولىپ جاتىر. سىناققا قاتىسقان 3 000 ادامنىڭ 1500-ٸنە زەرتتەۋ جۇمىسى جٷرگٸزٸلٸپ, وسى مەلٸمەتتەر نەگٸزٸندە قر دەنساۋلىق ساقتاۋ مينيسترلٸگٸ بۇرىن بارىپ كٶرمەگەن قادامعا بارۋعا دايىن. ياعني, سەۋٸر ايىنان باستاپ قازاقستاندىق ۆاكتسينانى ەگە باستايدى, سەبەبٸ ونىڭ پايداسى جوعارى. سىناق جۇمىستارىنىڭ بٸرٸنشٸ فازاسىنان كەيٸن بۇل ۆاكتسينانى 44 ەرٸكتٸ, ەكٸنشٸ فازاسىنان كەيٸن 2000 ەرٸكتٸ قابىلدادى. ەندٸ بۇل ۆاكتسينانى مەديتسينالىق تۇرعىدا بەرٸنە ەگۋ ٷشٸن ٷشٸنشٸ فازادا 1500-دەن كەم ەمەس ەرٸكتٸ سىناقتان ٶتۋٸ كەرەك. سوندا عانا بۇل فاكتسينا قاۋٸپسٸز ەرٸ تيٸمدٸ دەپ ايتا الامىز», - دەپ اتاپ ٶتتٸ قر دسم مفبك «دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى» شجق رمك باس ديرەكتورى – باسقارما تٶراعاسى ەركەن داۋتباەۆ.
ياعني, قازاقستان دا, رەسەي دە بٸر جولمەن جٷرٸپ كەلەدٸ.
«بٸرٸنشٸ, ەكٸنشٸ فازادا ۆاكتسينا ۋاقىتشا تٸركەلەدٸ. سونىمەن قاتار كلينيكالىق سىناقتىڭ ٷشٸنشٸ فازاسى جٷرٸپ وتىرادى جەنە ۆاكتسينا ٶندٸرٸلە باستايدى. قازاقستاندا دا دەل وسى جاعداي. بٸرٸنشٸ, ەكٸنشٸ فازادان ٶتتٸك جەنە ۆاكتسينانى ۋاقىتشا تٸركەدٸك. ۆاكتسينانى ٶندٸرۋگە رۇقسات الدىق جەنە ٶندٸرە باستادىق. سونىمەن قاتار, كلينيكالىق سىناقتىڭ ٷشٸنشٸ فازاسىن باستادىق. ەسكەرە كەتەتٸن بٸر جايت, قازاقستاندا كوروناۆيرۋس شتامى رەسەيمەن سالىستىرعاندا ٷش ايدان كەيٸن پايدا بولدى, سول سەبەپتٸ رەسەي بۇل پروتسەسس بويىنشا بٸزدٸڭ الدىمىزدا كەلە جاتىر. بٸزدٸڭ ەلدە كوروناۆيرۋسپەن اۋىرعاندار 2020 جىلى ناۋرىز ايىنىڭ ورتاسىندا پايدا بولدى. باسقا ٶلشەمدەر بويىنشا رەسەيمەن قاتار كەلە جاتىرمىز. قازاقستاندىقتار Qazcovid-in ۆاكتسيناسىن وسى جىلدىڭ سەۋٸر ايىنىڭ اياعىندا الا باستايدى», - دەيدٸ بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريا.
