2020 jyldyń 12 tamyzynan 13-ne qaraǵan túni qazaqstandyqtar jyl saiyn shilde-tamyzda bolatyn Perseid dep atalatyn meteorlyq juldyz aǵynyn tamashalaidy, dep habarlaidy "Ult aqparat".
«2020 jyly Perseid juldyz aǵyny 17 shildeden bastalyp 26 tamyzǵa deiin jalǵasady. Eń kóp uldyz jaýatyn mezgil 13 tamyz kúni túnde bolady. Bul túni aǵyp jatqan 110 meteordy nemese ár minýt saiyn 1-2 meteordy tamashalaýǵa múmkindik bar», - delingen Máskeý planetariia habarlamasynda.
Astronomdar juldyzdardyń qulaýy – bul meteorlyq aǵyn dep esepteidi. Olar Jer atmosferasyna túsetin jáne onda kúiip ketetin kometalardyń bólshekteri, meteorlar jol boiynda juldyzdar sekildi jarqyraidy. Ony Jerden tamashalaǵanda meteorlar qulaityn ortalyq Persei shoqjuldyzynda ornalasqandai kórinedi. Shyndyǵynda, meteorlyq aǵynnyń bul shoqjuldyzǵa eshqandai qatysy joq.
Juldyzdar jaýatyn mezgildi túngi saǵat 2-4 aralyǵynda soltústik-shyǵys baǵytqa qarap tamashalaýǵa bolady.
