"Ult aqparat" agenttigi oqyrman qaýymǵa Elbasynyń «Uly dalanyń jeti qyry» atty maqalasyna qatysty belgili tulǵalardyń áleýmettik jelilerdegi pikirlerin usynady.
***
Prezident jańa maqalasynda Uly dalanyń biregei tarihi murasyn júieli túrde jan-jaqty taldaidy, onyń álemdik tarihtaǵy róli men ornyn ǵylymi turǵydan baiyptaýdy usynady. Elbasynyń ideialaryn júzege asyrý jolynda aldymyzda aýqymdy jumystar tur.
Qasym-Jomart Toqaev,
Senat tóraǵasy
***
El gazeti #Egemende Elbasynyń tarixi sanany jańǵyrtýǵa bastaityn baǵdarlamalyq maqalasy jaryq kórdi.
Rýxani jańǵyrýdyń jalǵasy ispetti taǵylymdy maqalada ult tarixynyń bastaýlary, Uly Dala órkenieti, túrki áleminiń genezisi, túrkilerdiń adamzat tarixyna qosqan súbeli úlesi siiaqty mańyzdy taqyryptarmen birge olardy júzege asyrýdyń da naqty joldary kórsetilgen.
Tereń tarixymyzdy túgendeýge múmkindik beretin baǵdarlamalyq maqalanyń túgel túrki men Uly daladan bastaý alatyn tamyrlas jurttardyń da ortaq igiligine ainalary sózsiz.
Darhan Qydyráli,
Halyqaralyq Túrki akademiiasynyń prezidenti,
«Egemen Qazaqstan» respýblikalyq gazeti» AQ basqarma tóraǵasy
***
«Qazaqstandyqtar óziniń uly tarihymen maqtanýy kerek. Prezidenttiń jańa maqalasynda Uly dalanyń tarihyna qatysty tereń kózqaras jatyr.
Ǵalym Shoikin,
Prezident Ákimshiliginiń sektor meńgerýshisi
***
Elbasy "Uly dalanyń jeti qyry" dep atalatyn maqalasyn jariialady! El-jurttyń kókeiinde júrgen tolǵaqty dúnielerdi tap basty. Bul - bizdiń jas urpaqqa kerek! Keshege deiin tarixymyz joq, memlekettilik bolmaǵan deitin syńarjaq pikir bar edi nemese tarixymyz tek qyrylýdan, sherge toly óksikten turady dep kelsek, endi Qazaq Eliniń adamzat balasynyń qundylyqtaryna qosqan úlesi barynsha aiqyn tujyrymdaldy!
Nurtóre Júsip,
"Aiqyn" respýblikalyq qoǵamdyq-saiasi gazetiniń bas redaktory
***
Biz - Qazaqpiz!
Bizdiń halyqtyń aiqyndalýynda naqty núkte qoiyldy. Bizdiń kim ekenimiz týraly suraqqa endi múlde oryn joq. Biz qandai ideologiiany nasihattaitynymyz týraly suraq jii kóterilip júr edi. Rýhani jańǵyrý arqyly ulttyq kodymyzdy tanyp, álemge ózimizdi tanyta bilsek, «Uly dalanyń jeti qyry» arqyly biz aiqyndalý jolyn naqty belgilep aldyq. Bizdiń halyq - ǵundar men saqtardyń, túrki etnostar tobynyń murageri. Biz kim ekenimizdi aiqyndap qana qoimai, búkil álemge de belgi berdik. Ásirese, qazir bul óte mańyzdy
Evgenii Kochetov,
«Nur Otan» partiiasynyń
Strategiialyq bastamalar institýty direktorynyń orynbasary
***
Muqiiat qarap shyqtym. Kóńilge qonymdy tustary kóp eken. Qazaq rýhaniiaty úshin qajetti jobalar.
Aidos Sarym, saiasattanýshy
***
«Buny Facebook-paraqshadaǵy bir ǵana jazbaǵa syiǵyzý múmkin emes. Jeke maqala jazý kerek. Eń bastysy, urpaqqa baǵdar berildi. Memleket basshysy bizdiń kim bolǵanymyzdy eskertip, barar jolymyzǵa baǵyt berdi. Qanshama irgesi bekem ult tarih sahnasynan joǵalyp ketti. 1991 jyldan bastap bálkim bizdiń halyqqa jeke memleket (ult) bolyp uiysýǵa biregei múmkindik berilip otyr. Bizdiń osy múmkindikti qur jiberýge, durys joldan aýytqyp ketýge qaqymyz joq. Ult úshin, keleshektiń qamy úshin jumys isteitin ýaqyt keldi
Asqar Qumyran,
«QazAqparat» HAA bas direktory
