Azamattyq qorǵaý organdaryndaǵy qyzmet batyldyqty, tártipti jáne joǵary jaýapkershilikti talap etedi. Órt sóndirýshi-qutqarýshylar kún saiyn qaýip-qaterge tap bolǵan adamdarǵa kómek kórsetýge daiyn. Osyndai abyroily iske ózin arnaǵan azamattardyń biri – Qaraǵandy qalasyndaǵy №9 órt sóndirý bóliminiń aǵa órt sóndirýshi-qutqarýshysy Abai Nurpeiisov.
Abai Nurpeiisov 2021 jyldyń qyrkúieginen bastap azamattyq qorǵaý organdary júiesinde qyzmet etip keledi. Osy ýaqyt ishinde ol tańdaǵan mamandyǵynyń qyr-syryn meńgerip, onyń joǵary dene daiyndyǵymen qatar, psihologiialyq tózimdilikti, jyldam sheshim qabyldaýdy jáne komandamen úilesimdi áreket etýdi talap etetinin túsindi. Azamattyq qorǵaý serjanty arnaiy ataǵyna ie Abai qyzmettik mindetterine jaýapkershilikpen qarap, kásibi daǵdylaryn únemi jetildirýge umtylady.
Órt sóndirýshi-qutqarýshy úshin fizikalyq tózimdilik pen aýyr júktemelerge daiyn bolý erekshe mańyzdy. Sondyqtan Abai sportqa kóp kóńil bóledi. Ol basseinge barady, bos ýaqytynda qoian-qoltyq urys pen jekpe-jek túrlerimen áýesqoi deńgeide ainalysady. Mundai jattyǵýlar onyń dene daiyndyǵyn shyńdap, tózimdiligin arttyrýǵa jáne minezin qalyptastyrýǵa kómektesedi.
Qyzmettegi qarbalas kúnderge qaramastan, Abaidyń ómirinde otbasynyń orny erekshe. Ol bos ýaqytyn jaqyndarymen ótkizýge tyrysady. Otbasymen birge serýendep, tabiǵat aiasyna shyǵyp, demalady. Jaqyndarynyń qoldaýy oǵan kúsh-qýat berip, shabyttandyrady ári alǵa umtylýǵa jigerlendiredi.
«Men úshin eń bastysy – óz isime jaýapkershilikpen qaraý, únemi damý jáne ainalamdaǵy adamdar senim arta alatyn azamat bolyp qalý», – deidi Abai.
Órt sóndirýshi-qutqarýshy qyzmeti kún saiyn kómekke kelýge daiyn bolýdy, batyl áreket etýdi jáne jaýapkershilikti óz moinyna alýdy talap etedi. Bul qyzmettiń artynda ózge adamdardyń ómiri men qaýipsizdigin bárinen joǵary qoiatyn jandar tur.
