Budan bylai qazaqstandyqtar óz atyna qansha uialy bailanys nómiri tirkelgenin bile alady, dep habarlaidy "Ult aqparat" Tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmetine silteme jasap.
Ol úshin myna siltemege kirip, óz JSN-ińizdi jazsańyz jetkilikti. Júie tirkelgen nómirlerdiń sanyn jáne qandai uialy operator ekenin de kórsetip beredi.
Eger abonent óziniń jeke sáikestendirý nómirine belgisiz telefon nómirleriniń tirkelgenin anyqtaǵan jaǵdaida Telekommýnikatsiialar komiteti belgisiz nómirdi japtyrýdy usynady.
«Bizge azamattar óz atyna belgisiz telefon nómiriniń tirkelgenin aityp jii shaǵymdanady. Sondyqtan biz qazaqstandyqtarǵa óz atyna tirkelgen nómirlerdiń sanyn tekserýdi usynamyz, sebebi siz sol nómirdi paidalaný úshin jeke jaýapkershilik alasyz» , - deidi QR Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiialar komitetiniń tóraǵasy Vitalii Iaroshenko .
Esterińizge sala keteiik, 2019 jylǵy 1 qańtarda Qazaqstanda abonenttik qurylǵylardy tirkeý aiaqtaldy. Qazirgi ýaqytta barlyq mobildi telefondar SIM-karta ieleriniń JSN-ne bailanǵan. Ótken jyldyń ishinde óz JSN-yn SMS arqyly tirkemegen abonentterdiń telefondary avtomatty túrde tirkelip, paidalanylatyn SIM-kartalarǵa bailanǵan.
