Qazaqstandyqtar tórt aida shetelden 117 mlrd teńge aldy, dep habarlaidy Ranking.
«Aǵymdaǵy jyldyń qańtar-sáýir ailarynda shetelden kelgen aqsha aýdarymdarynyń kólemi 116,7 mlrd teńgeni qurady, bul 2018 jyldyń sáikes kezeńimen salystyrǵanda 41,3%-ǵa kóp», - delingen habarlamada.
Sondai-aq, tranzaktsiialar sany artty: 29,1%, iaǵni 529,2 myńǵa deiin. Bir jyl ishinde halyqaralyq aqsha aýdarymdary júiesi boiynsha bir tranzaktsiianyń ortasha chegi 201,6 myńnan 220,6 myń teńgege deiin ósken.
Qazaqstan Respýblikasyna aqsha aýdarymdaryn jibergen elder ishinde Resei jetekshi oryn alady: 50,6 mlrd teńge - bul 2018 jyldyń qańtar-sáýir ailaryna qaraǵanda 37,9%-ǵa kóp. Tranzaktsiialar sany 31,7%-ǵa, 271,8 myńǵa artty, bir aýdarymnyń ortasha chegin 4,7%-ǵa, 177,8 myńnan 186,1 myń teńgege deiin arttyrdy.
Ekinshi orynda - Koreia Respýblikasy: 20,6 mlrd teńge, ósim - birden 63,3%. Aýdarymdar sany 51,5%-ǵa, 54,1 myń tranzaktsiiaǵa ulǵaidy. Ortasha chek 354,1 myńnan 381,5 myń teńgege deiin ósti.
Kósh bastap turǵan úshtiktiń sońynda Ózbekstan bar, ol elden 10,1 milliard teńge aýdaryldy. Bul ótken jylmen salystyrǵanda 70,1 paiyzǵa artyq. Tranzaktsiialar sany - 44,3%, 28 myńǵa deiin ósti. Ózbekstannan bir aýdarymnyń ortasha chegi 306,1 myńnan 360,7 myń teńgege deiin artqan.
