QR Tsifrlyq damý, innovatsiialar jáne aeroǵarysh ónerkásibi ministrligi men Densaýlyq saqtaý ministrligi birlesip, eldegi epidemiologiialyq jaǵdai boiynsha derekterdi baqylaý jáne taldaý maqsatynda «Ashyq» qosymshasyn ázirledi, dep habarlaidy "Ult aqparat".
«QR TsDIAÓM, QR DSM «Atameken» ulttyq kásipkerler palatasymen birlesip, karantin sharalary kezeńinde qyzmeti shektelgen (spa-ortalyqtar, fitnes ortalyqtar, kinoteatrlar) biznes ókilderi arasynda pilottyq jobasyn júrgizip jatyr. Endi, osy oryndarǵa barý úshin arnaiy QR-kodty skanerlep, kireberiste kórsetý qajet. Baǵdarlama óz kezeginde qyzyl, sary, kók jáne jasyl mártebelerge bólinetin táýekel dárejesin kórsetedi», - delingen ministrlik aqparatynda
Qyzyl mártebe qozǵalysty shekteýdi, ambýlatoriialyq baqylaýdaǵy adamdar úshin úidi oqshaýlaýdyń qatań rejimin saqtaýdy bildiredi.
Sary – qozǵalysty ishinara shekteý – paidalanýshy PTR derekter qorynda bailanysta bolǵan retinde kórsetilgen: patsient úiden oqshaýlaý rejimin saqtaityn jerden 500 metrden aspaityn azyq-túlik jáne sharýashylyq dúkenderge, dárihanalarǵa barýǵa ruqsat etiledi.
Kók – PTR mindetti bolatyn oryndardan basqa (mysaly, áýejaida) qozǵalysqa eshqandai shekteýler joq.
Jasyl mártebe qozǵalysta eshqandai shekteýler joq ekenin bildiredi. Bul paidalanýshy derekter qorynda COVID-19 teris nátijesi bar PTR-testileýden ótken adam retinde kórsetilgen.
Bul mártebelerdi kórsetý bizneske óz qyzmetin jalǵastyrýǵa jáne kelýshilerge qaýip tóndirmeýge múmkindik beredi. Kelýshilerde smartfon bolmaǵan jaǵdaida qosymshada úi-jaiǵa kirýdi baqylaityn qyzmetkerlerge arnalǵan fýnktsiia bar. Olar kelýshiniń mártebesin JSN nemese jeke kýálikte ornalasqan shtrih-kodty skanerleý arqyly teksere alady.
Ótkizilgen pilottyq joba qoǵamdyq oryndarǵa (SOO, dúkender, meiramhanalar, dámhanalar, vokzaldar, áýejailar jáne t.b.) kirý úshin Qazaqstan Respýblikasynyń barlyq aýmaǵy boiynsha «Ashyq» mobildi qosymshasyn taralymyn kóbeitý merzimin odan ári anyqtaýǵa múmkindik beredi.
Aǵymdaǵy kezeńde «Ashyq» mobildi qosymshasy App Store jáne Play Market-ten júkteý úshin qoljetimdi.
