Koronavirýs boiynsha halyqty aqparattandyrý úshin QR Densaýlyq saqtaý ministrligi WhatsApp chat-botyn iske qosty, dep habarlaidy "Ult aqparat" ministrliktińń baspasóz qyzmetine silteme jasap.
Búgin Qazaqstan Respýblikasy Densaýlyq saqtaý ministrligi koronavirýs (COVID-19) jaily halyqty aqparattandyrý úshin WhatsApp jelisinde resmi arnany iske qosty. Koronavirýs týraly ózekti ári shynaiy aqparat usynatyn qyzmettiń bul túri tegin.
«WhatsApp arnasy arqyly Qazaqstan turǵyndary aptasyna 7 kún táýligine 24 saǵat koronovirýs jaily jii qoiylatyn suraqtarǵa jaýap ala alady. Chat-bot kelesi taqyryptar boiynsha aqparat usynady: Koronavirýsty diagnostikalaý men emdeý tásilderi; pandemiianyń taralýyna qatysty ózekti derekter; úide qalý boiynsha usynystar; týristergekeńester; COVID-19 týraly jii kezdesetin jalǵan aqparattar.
Chat-bot koronovirýs belgisin anyqtaýǵa baǵyttalǵan anonim saýalnamadan ótýge múmkindik beredi (Semei meditsinalyq ýniversitetiniń jobasy).
Qazaqstan Respýblikasy Densaýlyq saqtaý ministrliginiń WhatsApp chat-botyn qoldaný úshin +7 705 812 69 67 nómirin telefonyńyzǵa saqtańyz nemese myna siltemege ótińiz; Aqparat alý úshin WhatsApp-ta atalǵan nómirge kez kelgen mátindi habarlama jiberińiz.
«Osy qiyn kúnderde adamdar jaqyndarymen, dostarymen bailanysyp, qoldaý kórsetý úshin WhatsApp-ty ádettegiden kóbirek qoldanýda. Biz Qazaqstannyń Densaýlyq saqtaý ministrligine bailanystyń jańa tásilin usyna alǵanymyzǵa qýanyshtymyz. Jańa júie azamattardyń saýaldaryna tez jaýap berip, jalpyǵa ortaq qaýipsizdikti qamtamasyz etýge múmkindik beredi», - dedi WhatsApp-tyń bas operatsiialyq direktory Mett Idema.
Resmi chat-bot WhatsApp Business API-diń resmi servis-provaideri Infobip kompaniiasymen birlesip daiyndaldy.Infobip bailanys platformasyn usyndy, al kompaniia qyzmetkerleri qysqa merzim ishinde chat-botty ázirlep, iske qosýǵa qoldaý kórsetti.
«Búginde jaýapkershiligi bar kez-kelgen biznes qolda bar múmkindik pen innovatsiiany COVID-19 pandemiiasyna qarsy qoldaný týraly oilaný kerek. Qoldanýshylarǵa yńǵaily arnalar arqyly aqparatqa qoljetimdilikti uiymdastyrý mekemeler úshin negizgi qajettiliktiń biri. Qazirgi jaǵdaida ortaq qaýipsizdikti qamtamasyz etý mańyzdy mindetke ainalyp otyr», - dedi Infobip kompaniiasynyń Ortalyq Aziiadaǵy aimaqtyq direktory Iskander Qalybekov.
Álemniń birqatar densaýlyq saqtaý ministrlikteri halyqty koronavirýs týraly aqparattandyrý úshin WhatsApp arnasyn qoldanady. Dúniejúzilik Densaýlyq saqtaý uiymy, Singapýr úkimeti, Izrail men Ońtústik Afrikanyń Densaýlyq saqtaý ministrlikteri, Indoneziianyń aqparat jáne kommýnikatsiialar ministrligi sonyń qatarynda.
