Halyqqa qyzmet kórsetý ortalyǵy men Mamandandyrylǵan HQKO-ǵa kezekti eGovMobile qosymshasy arqyly tapsyrys berýge nemese qaita brondaýǵa bolady, dep habarlaidy "Ult aqparat".
Ol úshin eń jaqyn ornalasqan HQKO/Mamandandyrylǵan HQKO-ny jáne kelýge yńǵaily kún men ýaqytty tańdaý kerek. Qyzmetti paidalaný úshin eGovMobile qosymshasynyń «Arnaiy qyzmetter» bóliminde «Kezekti onlain brondaý» degendi tańdaý qajet.
«Ulttyq aqparattyq tehnologiialar» AQ Basqarma tóraǵasy Áset Turysovtyń aitýynsha, HQKO-na kezekti brondaýdy barynsha jeńildetý atalǵan qyzmetti júzege asyrýdaǵy basty maqsat boldy.
«Biz paidalanýshylarymyzdyń kompiýterge árdaiym kirýge múmkindigi bolmaitynyn jáne qosymsha arqyly kezekke turý yńǵaily ári jyldam ekenin túsinip, qyzmetti qosymshaǵa shyǵarý týraly sheshim qabyldadyq», - dedi Á.Turysov.
Sondai-aq, qosymshada birneshe qyzmetti tańdaý múmkindigi qarastyrylǵan. Iaǵni, qazaqstandyqtar bir ret barý úshin úsh qyzmetke deiin ala alady. Eger azamatqa birneshe qyzmet alý kerek bolsa, kelý maqsatyn tańdap, «Birneshe qyzmetter berý» tarmaǵyn belgileý qajet. Sodan keiin brondaý kezinde oǵan kóp ýaqyt bólinedi.
Budan basqa, qosymshada azamattar «Mindetti áleýmettik saqtandyrý júiesine qatysýshyǵa áleýmettik aýdarymdardyń jaǵdaiy men qozǵalysy týraly aqparat berý» jańa qyzmetin paidalana otyryp, ózderiniń áleýmettik eseptemelerin teksere alady. Anyqtamany birneshe minýt ishinde alýǵa bolady.
Al «Quqyqtyq kómek» bóliminde «Qazaqstan Respýblikasy Ishki ister ministrliginiń Arnaiy memlekettik muraǵatynan muraǵattyq anyqtamalardy jáne/nemese muraǵattyq qujattardyń kóshirmelerin alý» qyzmetin tańdap, muraǵattan qujattardyń kóshirmelerin alýǵa múmkindik bar.
Qosymshada Elektrondyq úkimettiń 70-ten astam suranysqa ie qyzmeti jáne tsifrlyq qujattardyń 6 túri iske asyrylady. EGovMobile mobildi qosymshasy GooglePlay jáne AppStore-da júkteýge qoljetimdi.
