«Áleýmettik meditsinalyq saqtandyrý qory» QeAQ meditsinalyq kómektiń sapasyn baqylaý departamentiniń direktory Lázzat Shomanova «Kez kelgen aýrýhanada meditsinalyq kómekti tirkeýsiz tegin alýǵa bola ma?» degen suraqqa jaýap berdi, dep habarlaidy QazAqparat.
«Eger siz qandai da bir jekemenshik aýrýhanada tirkelgen bolsańyz, siz tirkelmegen basqa aýrýhanalar sizge qyzmet kórsetýge mindetti emes. Sebebi tirkeý jeke menshik jáne memlekettik aýrýhanalarǵa birdei júredi. Eger sizdi jekemenshik aýrýhana tirkegen bolsa, onda sizdiń aqshańyz júredi», - dep jaýap berdi ol.
Sonymen qatar Lázzat Shomanova aýrýhanańyzda keibir meditsinalyq kómek túrleri bolmasa, ne isteý kerektigi jónindegi suraqqa jaýap qaitardy.
«Mundai jaǵdaida siz shaǵymdana alasyz. Bul pozitsiia jaramsyz. Siz ózińizdiń meditsinalyq kómekti tolyq kólemde alý quqyǵyńyzdy bilýińiz kerek. Eger siz osy aýrýhanaǵa tirkelgen bolsańyz jáne jarna tólep otyrsańyz, TMKKK qarajatynan basqa sizge konsýltatsiialyq-diagnostikalyq qyzmetter, qajettilik týyndasa, barlyq stantsionarlyq qyzmetter men joǵary tehnologiialyq meditsinalyq kómek túrinde Meditsinalyq saqtandyrý qorynyń qarajaty qarastyrylǵan», - dedi ol.
Onyń aitýynsha, adamdy ózine tirkegen aýrýhana oǵan tolyǵymen jaýap berýi kerek. Sonymen qatar ol tirkelýdiń mańyzyna toqtaldy.
Odan bólek, Lázzat Shomanova basqa qalada aýyryp qalsańyz, ne isteý kerektigin aitty.
«Eger siz basqa qalada aýyryp qalsańyz, jáne bul shuǵyl jaǵdai bolsa, sizge kómekti tegin kórsetedi. Eger bul josparly tekseris bolsa, óz aýrýhanańyzǵa qaralǵanyńyz jón», - dep qosty spiker.
