Indýstriia jáne infraqurylymdyq damý ministrligi qazaqstandyqtardyń qandai memleketterge kedergisiz jáne karantindik shekteýsiz ushyp bara alatynyn aitty, dep habarlaidy QazAqparat.
«Qazaqstan aýmaǵynda koronavirýs infektsiiasynyń paida bolýy men taralýyn boldyrmaý jónindegi vedomstvoaralyq komissiianyń 2020 jylǵy 18 tamyzdaǵy hattamasyna qosymsha berilgen qujat bar. Ol «QR Memlekettik shekarasynan 2020 jylǵy 11 mamyrdan bastap karantindik shekteýler kezeńindegi ótý tártibi» qujaty. Onyń 2-shi tarmaǵyna sáikes, QR Úkimetiniń sheshimi boiynsha tikelei (turaqty, týrizm maqsatynda turaqty emes charterlik reister) áýe qatynasy qaita ornatylǵan shet memleketterge QR azamattarynyń shyǵýlaryna, sondai-aq QR-ǵa tikelei (turaqty, týrizm maqsatynda turaqty emes charterlik reister) áýe qatynasy qaita ornatylǵan memleketterdiń azamattaryna – vizalyq talaptardy saqtai otyryp, eger QR-nyń halyqaralyq sharttarynda ózgeshe tártip qarastyrylmaǵan bolsa jáne sheteldik azamat Qazaqstannyń tikelei áýe qatynasyn qaita ornatqan jáne tikelei reispen kelgen sol eldiń azamaty bolǵan jaǵdaida – Qazaqstanǵa kirýge ruqsat beriledi», - dep jaýap berdi ministrliktiń baspasóz qyzmeti.
Sonymen birge shet memleketterde Qazaqstannan kelgen jolaýshylarǵa sol eldiń óz karantindik shekteý sharalary qoldanylýy múmkin. Halyqaralyq jolaýshylar reisterin qalpyna keltirý týraly sheshim komissiianyń sheshimi men QR Densaýlyq saqtaý ministrliginiń usynymdaryn, sondai-aq atalǵan eldegi epidemiologiialyq jáne karantindik sharalarǵa qatysty shet memlekettiń saiasatyn eskere otyryp qabyldanady.
«Komissiianyń 2020 jylǵy 11 maýsymdaǵy sheshimine sáikes, 2020 jylǵy 20 maýsymynan bastap Túrkiia, Qytai, Ońtústik Koreia, Tailand, Grýziia men Japoniia memleketterine halyqaralyq reisterdi jandandyrýǵa ruqsat berilgen. Sonymen birge, komissiianyń 2020 jylǵy 11 tamyzdaǵy sheshimine sáikes, 2020 jylǵy 17 tamyzdan bastap Birikken Arab Ámirligi, Belarýs Respýblikasy, Germaniia, Niderlandy, Egipet, Ýkraina jáne Resei Federatsiiasyna halyqaralyq reisterdi oryndaýǵa ruqsat berilgen. Qazirgi jaǵdai boiynsha 7 memleketke (Túrkiia (41 jiilik), Ońtústik Koreia (2 jiilik), Niderlandy (1 jiilik), BAÁ (19 jiilik), Belarýs (9 jiilik), Germaniia (6 jiilik), Ýkraina (5 jiilik) – aptasyna 83 reis jiiligimen 14 baǵyt boiynsha turaqty halyqaralyq aviareis kezeń-kezeńimen qaita jańartyldy», - delingen ministrlik jaýabynda.
Naqtyraq aitqanda tómendegi reister jandanǵan:
- Nur-Sultan – Dýbai – Nur-Sultan (Eir Astana – aptasyna 3 ret, Fly Dubai – aptasyna 5 ret);
- Almaty – Dýbai – Almaty (Eir Astana – aptasyna 4 ret, Fly Dubai – aptasyna 7 ret);
- Nur-Sultan – Frankfýrt – Nur-Sultan (Eir Astana – aptasyna 5 ret);
- Oral – Frankfýrt – Oral (Eir Astana – aptasyna 1 ret);
- Nur-Sultan – Minsk – Nur-Sultan (Belavia – aptasyna 5 ret);
- Almaty – Minsk – Almaty (Belavia – aptasyna 4 ret);
- Almaty – Kiev – Almaty (Eir Astana – aptasyna 5 ret);
- Almaty – Seýl – Almaty (Eir Astana – aptasyna 1 ret, Asiana Airlines – aptasyna 1 ret);
- Atyraý – Amsterdam – Atyraý (Eir Astana – aptasyna 1 ret);
- Almaty – Ystambul – Almaty (Eir Astana – aptasyna 9 ret, Turkish Airlines – aptasyna 2 ret, Pegasus – aptasyna 3 ret).
- Nur-Sultan – Ystanbul – Nur-Sultan (Eir Astana – aptasyna 5 ret, Turkish Airlines – aptasyna 2 ret);
- Almaty – Antalia – Almaty (Eir Astana – aptasyna 7 ret);
Nur-Sultan – Antalia – Nur-Sultan (Eir Astana – aptasyna 7 ret, Turkish Airlines – aptasyna 4 ret);
- Atyraý – Ystanbul – Atyraý (Eir Astana – aptasyna 2 ret).
