Qazaqstanda bir aidyń ishinde ipoteka alýshylardyń sany 12 paiyzǵa tómendegen. Elimizdiń barlyq óńirindegi turǵyndar ipotekadan bas tartyp jatyr, - dep habarlaidy Ranking.kz sarapshylary.
Mamandardyń aitýynsha, ipoteka naryǵyndaǵy mundai tómen kórsetkish sońǵy ret 5 jyl buryn tirkelgen. 2012 jyly nesie kólemi 15 paiyzǵa deiin tómendegen.
"Ipotekalyq qaryz 2017 jyldyń sáýir aiynda 119,4 milliard teńge boldy. Byltyr sáýir aiynda bolsa, ipoteka kólemi 0,1 paiyzǵa nemese 0,6 milliard teńgege deiin ǵana tómendegen edi", - dedi sarapshylar.
Sondai-aq, ipotekalyq qaryzy azaiǵan óńirler belgili boldy. Alǵashqy úshtikte Qaraǵandy oblysy tur. Onda ipotekalyq qaryz 20,8 paiyzǵa nemese 43,6 milliard teńgege azaiǵan. Al ekinshi orynda ipotekalyq qaryzy 19,3 paiyzǵa nemese 253,9 milliard teńgege tómendegen Almaty qalasy tur. 18,9 paiyzben turǵan Qyzylorda oblysynyń turǵyndary da ipotekadan bas tartyp jatyr eken. Qyzylordalyqtardyń ipotekalyq qaryzy 18,9 paiyzǵa tómendegen.
