قازاقستاندا بٸر ايدىڭ ٸشٸندە يپوتەكا الۋشىلاردىڭ سانى 12 پايىزعا تٶمەندەگەن. ەلٸمٸزدٸڭ بارلىق ٶڭٸرٸندەگٸ تۇرعىندار يپوتەكادان باس تارتىپ جاتىر, - دەپ حابارلايدى Ranking.kz ساراپشىلارى.
مامانداردىڭ ايتۋىنشا, يپوتەكا نارىعىنداعى مۇنداي تٶمەن كٶرسەتكٸش سوڭعى رەت 5 جىل بۇرىن تٸركەلگەن. 2012 جىلى نەسيە كٶلەمٸ 15 پايىزعا دەيٸن تٶمەندەگەن.
"يپوتەكالىق قارىز 2017 جىلدىڭ سەۋٸر ايىندا 119,4 ميلليارد تەڭگە بولدى. بىلتىر سەۋٸر ايىندا بولسا, يپوتەكا كٶلەمٸ 0,1 پايىزعا نەمەسە 0,6 ميلليارد تەڭگەگە دەيٸن عانا تٶمەندەگەن ەدٸ", - دەدٸ ساراپشىلار.
سونداي-اق, يپوتەكالىق قارىزى ازايعان ٶڭٸرلەر بەلگٸلٸ بولدى. العاشقى ٷشتٸكتە قاراعاندى وبلىسى تۇر. وندا يپوتەكالىق قارىز 20,8 پايىزعا نەمەسە 43,6 ميلليارد تەڭگەگە ازايعان. ال ەكٸنشٸ ورىندا يپوتەكالىق قارىزى 19,3 پايىزعا نەمەسە 253,9 ميلليارد تەڭگەگە تٶمەندەگەن الماتى قالاسى تۇر. 18,9 پايىزبەن تۇرعان قىزىلوردا وبلىسىنىڭ تۇرعىندارى دا يپوتەكادان باس تارتىپ جاتىر ەكەن. قىزىلوردالىقتاردىڭ يپوتەكالىق قارىزى 18,9 پايىزعا تٶمەندەگەن.
