«Habar» telearnasy «Eýrovidenie» halyqaralyq án baiqaýynyń jartylai finaldary men aqtyq kezeńin tikelei efir arqyly kórsetedi. Baiqaý 18-22 mamyr kúnderi aralyǵynda Niderlandynyń Rotterdam qalasynda ótedi. Bul týraly telearnanyń baspasóz qyzmeti habarlady.
18 jáne 20 mamyr kúnderi (mamyrdyń 18-inen 19-yna jáne 20-synan 21-ine qaraǵan túnderi) Nur-Sultan ýaqytymen saǵat túngi 01:00-de jartylai finaldar, al 22 mamyrda (mamyrdyń 22-inen 23-ine qaraǵan túni) saǵat 01:00-de – grand-final ótedi.
Baiqaýǵa 39 el qatysady. Olardyń qataryna 2020 jyly ótkizilmegen baiqaýdyń Armeniia jáne Belarýsten basqa barlyq qatysýshy elder kirdi. Vengriia men Chernogoriia qarjy sebepterimen baiqaýǵa qatysýdan taǵy bas tartty.
Án baiqaýyna Eýropa habar taratý odaǵyna múshe elderdiń ótinim bergen bir ókilinen qatysyp otyr. Festival tikelei efirde ótkizilýde. Biyldan bastap buǵan deiin jazyp alynǵan bek-vokaldy paidalanýǵa ruqsat berilgen. Bul delegatsiia músheleriniń sanyn qysqartý, árbir ótinimniń shyǵarmashylyq áleýetin keńeitý jáne habar taratýshy uiymdastyrýshynyń tehnikalyq júktemesin azaitý maqsatynda jasalyp otyr.
Kórsetilimdi «Habar» telearnasynyń kórermenderi úshin tanymal qazaqstandyq júrgizýshiler Qaldybek Jaisanbai men Mahabbat Esen júrgizedi.
«Eýrovidenie» — Eýropa habar taratýshy odaǵyna múshe elderdiń estradalyq án baiqaýy. Ol 1956 jyldan beri jyl saiyn ótkizilip keledi, álemde eń tanymal sporttyq emes sharalardyń biri bolyp tabylady. Aýditoriiasy – 600 myń kórermenge deiin. Shoý aǵylshyn jáne frantsýz tilderinde ótedi. Qatysýshy elderdi jartylai finaldarǵa úlestirý jerebe arqyly júzege asyrylady. Finalǵa qatysýshylardyń eń kóp sany – 26 (2015 jyly ǵana 27 qatysýshy bolǵan). Baiqaýdy ótkizýshi el men «úlken bestik» (Ispaniia, Germaniia, Italiia, Ulybritaniia, Frantsiia) finalǵa kepildi túrde qatysady.
