Túrkiia men Mysyr eli burynǵysha qazaqstandyqtar eń kóp demalatyn el bolyp otyr, dep habarlaidy "Ult aqparat" «Týristik Qamqor» Korporativtik qorynyń baspasóz qyzmetine silteme jasap.
«Qor jelisi boiynsha 2018 jyly 343 myń qazaqstandyq shetelde demalyp qaitty. «Týristik Qamqor» qurylǵan sátten bastap, jalpy alǵanda, 616 myń týrkod berildi. Ótken týristik maýsymda qazaqstandyqtar kóbinese Túrkiiaǵa bardy (148 myń adam). Ekinshi orynda Mysyr eli - 104 myń adam. Úshinshi orynda - Birikken Arab Ámirligi (33,5 myń qazaqstandyq) tur. Tórtinshi satyny Qytai men Tailand ózara bólisse (18 myń týristen), besinshi orynda - Vetnam (4,5 myń), altynshy orynda - Úndistan (2,7 myń), Chehiia (2,4 myń), segizinshi orynda - Dominikan (2,1 myń), toǵyzynshy orynda - Grekiia (2 myń) jáne ondyqty Grýziia (1,4 myń adam) túiindeidi», - delingen qordyń habarlamasynda.
Belgili bolǵandai, 2018 jyly shetelge shyqqan birde-bir qazaqstandyq saqtandyrý jaǵdaiyn paidalanbapty. Barlyq kompaniia óz mindetterin adal oryndap otyr. Týyndaǵan kishigirim máseleler jedel túrde sol jerde sheshilgen. Qazaqstandyqtardyń týroperatordyń kesirinen shetelden shuǵyl shyǵarý jaǵdaiy bolǵan joq.
«Aýa raiy jaǵdaiyn negizge ala otyryp aqpanda qazaqstandyqtardyń demalysy úshin jaqsy oryndar retinde Tailand, Egipet, Kýba, Úndistan, Shri-Lanka, Dominikana, Filippinder, Tanzaniia elderin atap ótýge bolady», - delingen habarlamada.
Syrtta demalý týrizmi salasynda Qazaqstan Respýblikasy azamattarynyń quqyqtaryn kepildendirý júiesiniń jumys istegen sátinen bastap júie basqarýshysy - «Týristik Qamqor» Korporativtik Qory (KQ) shetelge demalýǵa shyqqan qazaqstandyqtarǵa 616 myń týrkod bergen.
