Telegram messendjerinde dárigerler tarihta alǵash ret DDSU-ǵa baǵynbai, COVID-19-dan qaitys bolǵan adamnyń máiitine tekserý júrgizgeni týraly habarlama taǵy da taralýda. Nátijesinde aýrýdyń qozdyrǵyshy bakteriia ekeni anyqtalǵan, al ony aspirinmen emdeý kerek delingen. Bul - jalǵan, dep habarlaidy Stopfake.kz saity.
Bul joly qoldanýshylardyń aitýynsha, oqiǵa Reseide Naberejnye Chelny qalasynda bolǵan. Shyndyǵynda, ǵalymdar mundai málimdeme jasaǵan joq. Bul habarlama eski feiktiń taǵy bir nusqasy, onda máiit tekserilgen eldi mekenniń ǵana ataýy ózgergen. Buǵan deiin Germaniia, Italiia, sondai-aq Iakýtiia jáne Reseidiń ózge aimaqtarynyń mamandarynyń osyndai jańalyq ashqany týraly habarlanǵan bolatyn.
COVID-19 naqty virýs týdyratyny dáleldendi. Bul virýstyń genomy tolyǵymen ashylyp, zerttelgen jáne kópshilikke qoljetimdi.
KVI nátijesinde kóz jumǵandardyń denesin ashyp tekserýge eshqashan tyiym salynbaǵan. DDSU-nyń resmi saitynda bul indetten qaitys bolǵan adamdardyń denelerine qatysty nusqaýlyq bar, onda aýtopsiia týraly da aitylǵan. Qujat 2020 jylǵy 24 mamyrda shyqqan.
Máiitti ashyp-tekserýdi júrgizý jáne zertteý úshin ólimnen keiingi tinderdi alý jónindegi egjei-tegjeili nusqaýlyq AQSh aýrýlardy baqylaý jáne aldyn alý ortalyǵynyń (CDC) saitynda da bar.
KVI nátijesinde qaitys bolǵan adamdardyń aýtopsiiasynan keiin jasalǵan patologoanatomdardyń qorytyndylary týraly BAQ birneshe ret jazdy.
COVID-19 nege aspirinmen emdeýge bolmaityny týraly biz buǵan deiin jazǵan bolatynbyz.
Demek, taratylymda aitylǵan málimdemelerdiń barlyǵy jalǵan bolyp tabylady. Al habarlamanyń ózi Jelide 2020 jyldan beri taralyp kele jatqan eski feik.
