Naýryzda qazaqstandyqtar ekinshi deńgeili bankter men jekelegen banktik emes aiyrbastaý pýnktterinen jalpy salmaǵy 48,2 kilogramm 2 898 quima satyp aldy.
Al altyn quimalardyń bes túri bar: 5, 10, 20, 50 jáne 100 gramm. Sonyń ishinde 10 grammdyq quima eń kóp suranysqa ie bolǵan, dep habarlady ulttyq banktiń baspasóz qyzmeti.
Onyń jalpy satylymdaǵy úlesi – 15 184 dana (30%). Odan keiin 20 gramdyq quima – 10 976 dana (22%) jáne 100 gramdyq quima – 10 964 dana (22%), 5 gramdyq quima – 7 305 dana (15%), 50 gramdyq quima – 5 771 dana (11%) kórsetkishine ie. Negizinen ólshemeli quimalar Almaty, Nur-Sultan jáne Atyraý qalalarynda joǵary suranysqa ie.
Altyn quimalardy ne úshin satyp alady?
Ulttyq bank dereginshe, altyn quimalar investitsiialaýdyń senimdi quraly bola alady. Bankter men banktik emes aiyrbastaý pýnktteriniń quimalardy dál sol kúni satyp alý múmkindigi altyn quimalar naryǵynyń ótimdiligin qamtamasyz etetin negizgi faktor bolyp otyr.
"Ár quima qorǵanys elementterimen (quimalardyń tegis beti, mikromátin jáne búiir tusynyń bederli bolýy), quimalardy mehanikalyq zaqymdanýdan qorǵaityn jáne ashylǵan-ashylmaǵanyn ońai tekserýge bolatyn arnaiy qaptamamen shyǵarylady. Bul da sapa sertifikaty bola alady. Sondyqtan quimany saqtaǵanda qaptamany ashpaǵan jón", – delingen habarlamada.
Qazirgi ýaqytta altyn quimalardy Halyk Bank, Eýraziialyq bank, Jusan Bank, Bank TsentrKredit qarjy mekemelerinde, sondai-aq banktik emes aiyrbastaý pýnktterinde satyp alýǵa nemese satýǵa bolady.
Aita keteiik, ulttyq bank halyqqa tazartylǵan altyn quimalardy satý jáne satyp alý baǵdarlamasyn 2017 jyly iske qosqan bolatyn. Baǵdarlama júzege asyryla bastaǵan ýaqyttan beri jalpy salmaǵy 1,79 tonna quraityn 50,2 altyn quima satyldy.
Baǵdarlama iske qosylǵan ýaqyttan beri jalpy salmaǵy 3,75 kilogramm bolatyn 141 ólshemeli altyn quimasy satyp alyndy. Ulttyq bank málimeti boiynsha, bul altyn quimalardyń investitsiialaý men jinaqtaýdyń uzaq merzimdi quraly bolýyna bailanysty.
