2020 jyly bank kartasy arqyly jasalǵan aýdarymdardyń 81% internet tólemder men mobildi bankingke túsken, dep habarlaidy "Ult aqparat".
Qarjy ministrliginiń málimetine súiensek, 2020 jyly bank kartochkalaryn paidalanatyn qazaqstandyqtar 35,3 trln teńgeni quraityn 3 milliardqa jýyq qolma-qol aqshasyz operatsiia jasaǵan. Onyń 81% onlain-tranzaktsiialarǵa tiesili bolǵan.
Ulttyq banktiń málimetine súiene otyryp taratqan málimettiń mánin Qarjy ministrligi bylaisha túsindiredi.
«Mundai ósimniń negizgi sebebi – karantindik shekteýler. Qolma-qol aqshamen jasalmaityn tranzaktsiialardyń jalpy sanyndaǵy onlain-tranzaktsiialardyń úlesi 2020 jyldyń sońynda 66% qurady. Al 2020 jyldyń basynda ol tek 46% bolǵan edi. 2020 jyldyń sońynda mobildi jáne internet-bankingti belsendi qoldanýshylar sany 82% kóbeiip, 14 milliondy qurady. Jalpy, bul qyzmetterdi qoldanýshylar sany bir jyl ishinde 46% ósti», - dep jazady ministrliktiń baspasóz qyzmeti.
