Qazaqstandyqtardyń jańa týǵan sábilerine jii qoiatyn esimderdiń tizimine Asyljan, Nursultan jáne Karim kirdi. Sońǵy 2,5 jylda 1 690, 1 837 jáne 702 balaǵa osy esimder qoiylǵan. Bul týraly Ádilet ministrliginiń Tengrinews.kz tilshisi joldaǵan saýalǵa bergen jaýabynda aitylady.
Taǵy jii qoiylatyn esimderdiń qatarynda Baýyrjan esimi bar. 633 balaǵa Baýyrjan esimi berilipti. Sondai-aq, elimizde sońǵy on jylda 371 balaǵa Baibek esimi qoiylǵan. Olardyń 42-si osy jyldyń basynan beri sanaǵanda.
Munymen qatar, qazaqstandyqtar Imanǵali esimin jii qoiatyn bolyp shyqty. 2,5 jylda elimizde osyndai esimmen 612 sábi dúniege kelgen eken.
Ádilet ministrliginiń málimetinshe, sońǵy 2,5 jylda Ahmetjan esimi 109 sábige, Arystan - 62, Táńirbergen - 84 sábige berilgen. Qasym-Jomart esimdi bes ul bar eken. Sondai-aq, Qazaqstanda sońǵy 2,5 jylda Qýandyq esiminiń de jii qoiylatyny aitylady.
Al eń sirek qoiylatyn esimderdiń tiziminde Qalmuhanbet, Berdibek jáne Ǵabidýlla bar eken. Sońǵy 2,5 jylda elimizde tek bir sábige Qalmuhanbet esimi berilipti. Al Ǵabidýlla esimimen elimizde 17 bala bar.
