Qazaqstandyqtar tsifrlyq jeke kýálikti endi avtokólikpen tasymaldaý salasynda qaǵaz túrindegi jeke kýálikpen teń paidalana alady. Bul traly QR Indýstriia jáne infraqurylymdyq damý ministrligi habarlady.
Atap aitqanda, jolaýshylar aýdanaralyq, qalaaralyq, oblysishilik baǵyttarda avtobýstarǵa otyrǵyzý kezinde jeke kýáligin óz qalaýy boiynsha - túpnusqada nemese elektrondyq qujat túrinde (uialy telefon arqyly) usyna alady.
Sondai-aq, avtovokzaldarda, avtostantsiialarda, jolaýshylarǵa qyzmet kórsetý tirekterinde tsifrlyq jeke kýálikpen biletter satyp alýǵa bolady. Budan bólek, halyqaralyq, qalaaralyq, oblysaralyq, aýdanaralyq (oblysishilik, qalaaralyq) baǵyttarda jol júrý kezinde júk alý múmkindigi kózdelgen.
«Budan basqa, taksi júrgizýshileri reis aldyndaǵy jáne reisten keiingi meditsinalyq kýálandyrýdan ótý kezinde jeke kýálikti qaǵaz tasyǵyshta da, elektrondyq nysanda da paidalana alady.
Joǵaryda atalǵan normalar QR Indýstriia jáne infraqurylymdyq damý ministriniń buiryǵymen (2021 jylǵy 4 qazandaǵy№ 524) QR Úkimetiniń tapsyrmasy boiynsha tsifrlyq tehnologiialardy damytý jáne azamattardyń jeke kýálikteriniń túpnusqalaryn ózimen birge alyp júrý qajettiliginsiz óz quqyqtaryn iske asyrý múmkindigin keńeitý úshin qabyldandy», - delingen vedomstvo málimetinde.
