Elordada ótken «Myń alǵys» qaiyrymdylyq kontsertinde bas-súiek isigi aýrýyna shaldyqqan Samat Aqbergenovke 19 mln teńgeden astam qarajat sertifikaty tabystaldy. Mundai somany qazaqstandyqtar radioefir jáne áleýmettik jeli arqyly bir kúnniń ishinde jinaǵan. Bul týraly "Ult aqparat" «Qazaq radiolary» JShS silteme jasap habarlaidy.
Qaiyrymdy iske qarjy jinaý radiomarafony bir ai boiy ótti. Osy kezeńde qazaqstandyqtar arnaiy ashylǵan esepshotqa aqsha aýdardy. Aktsiiaǵa volonter ári bloger Dáýlet Tóleýtai belsendi atsalysty.
Aita ketsek, keshtiń basty keiipkeri Samat Aqbergenov ota jasatý úshin 18,5 mln.teńge qajettigin aityp, «Qazaq» radiosyna habarlasqan. 29 aqpanda, iaǵni erteń Samat ota jasatý úshin Máskeýge attanady. Ol kesh barysynda «Qazaq» radiosy men bloger Dáýlet Tóleýtaiǵa, onyń áleýmettik jelidegi oqyrmandaryna jasaǵan jaqsylyqtary úshin alǵys aitty.
Sondai-aq, taǵy bir qoǵamdyq birlestik Jansaia Pishembaidyń operatsiiasyna qajet 1 mln 200 myń teńge berdi. 36 jastaǵy er adam órt kezinde eki qolyn qatty kúidirip alǵan. Byltyrǵy radiomarafonda jinalǵan qarajat onyń bir qolyna operatsiia jasaýǵa jumsalǵan. Al biyl jinalǵan soma onyń ári qarai emdelýine tólenedi.
Kesh qonaqtary da, basty keiipkerler de qaiyrymdylyq adamzatty biriktiretin uly kúsh ekenin sezinip, ár qýanyshty sátke baladai qýanyp, tebirenip otyrdy. Qaiyrymdylyq sharasynda zalda arnaiy jáshikter qoiyldy. Oǵan jinalǵan qarajat ta muqtaj jandardyń em-domyna jumsalady.
Keshtiń televiziialyq nusqasy «Qazaqstan» Ulttyq telearnasynan 1 naýryz 12:30-da kórsetiledi.
