1 shildeden bastap «Qazgidromet» RMK Qazaqstan boiynsha aýa raiy boljamyn usynýdyń jańa formatyna ótedi, dep habarlaidy "Ult aqparat" kásiporynnyń baspasóz qyzmetine silteme jasap.
Qazaqstan boiynsha aldaǵy úsh táýlikke arnalǵan aýa raiy boljamy kúndelikti video, aýdio túrindegi jańa formatta (uzaqtyǵy - 1 min) beriledi.
«Onda ǵaryshtan sýretter jáne aýa raiyn boljaýdyń tsifrlyq ádisteri paidalanylady. Boljam memlekettik jáne orys tilderinde «Qazgidromettiń» resmi saitynda jáne áleýmettik jelilerdegi paraqshalary - Instagram, VKontakte, Facebook-ke salynyp otyrady. Aldaǵy úsh kúnge arnalǵan kúndelikti boljam saǵat 19.00-ge deiin shyǵady» delingen habarlamada.
Jańa formattyń maqsaty - halyqty erteń qandai aýa raiy kútip turǵany jaily aqparattandyrý, jyly kiiný kerek pe, álde qolshatyr alý kerek pe, nemese ystyq aýa raiyna daiyndalý qajet pe - sol jaiynda aqparat berip otyrý.
Sondai-aq, «Qazgidromet» sinoptikteri Qazaqstan turǵyndarynyń qaýipsizdigi úshin video, aýdio arqyly qaýipti tabiǵi qubylystar týraly (nóser jaýyn, kúshti jel, naizaǵai, daýyl, burqasyn, shańdy daýyl, úsik, tuman, burshaq, temperatýranyń kúrt tómendeýi/kóterilýi) aqparattandyratyn bolady.
