«Ulttyq aqparattyq tehnologiialar» AQ mGov qosymshasy arqyly «Elektrondyq úkimet» portalyna qosymsha 12 qyzmetti iske qosty, dep habarlaidy "Ult aqparat" atalǵan kompaniiaǵa silteme jasap.
Taratylǵan málimetke sáikes, atalǵan mobildi qosymshanyń kómegimen azamattar narkologiialyq, psihonevrologiialyq jáne týberkýlezge qarsy dispanserlerden anyqtamalardy ala alady. Sonymen qatar nekege turý týraly qaitalama kýálikke, áke ekendigin anyqtaý týraly qaitalama kýálikke, atyn, tegin, ákesiniń atyn aýystyrý týraly qaitalama kýálikke, nekeni buzý týraly qaitalama kýálikterge ótinish berý múmkinshilik bar. Munan bólek, Qazaqstan Respýblikasynyń halqyn turǵylyqty jeri boiynsha tirkeý, júrgizýshi kýáligin alý, elektrondyq eńbek birjasy, mekenjai boiynsha tirkelgen adamdar týraly mekenjai anyqtamasyn berý mGov qosymshasy arqyly qoljetimdi. Qazaqstan Respýblikasy Bas prokýratýrasy Quqyqtyq statistika jáne arnaiy esepke alý jónindegi komitetiniń esepteri boiynsha tulǵanyń ákimshilik quqyq buzýshylyq jasaǵany týraly málimet berýde atalǵan qosymsha arqyly júzege asyrylady.
«Joǵaryda kórsetilgen qyzmetterdi ETsQ-men (elektrondyq tsifrlyq qoltańba) qol qoiý arqyly nemese bir rettik SMS-parol arqyly (ol úshin Mobildik azamattar bazasynda mindetti túrde tirkelý qajet) alýǵa bolady. «Elektrondyq úkimet» mobildik qosymshasyn paidalanyp júrgen azamattarǵa joǵaryda kórsetilgen qyzmetterdi alý úshin mGov jańartý jetkilikti», - delingen habarlamada.
Aita keteiik, búgingi kúni eGov.kz portalynyń mobildik qosymshasy arqyly 62 memlekettik qyzmet pen servis qoljetimdi.
