Eńbekke qabiletti azamattar aptasyna kem degende 2 saǵatyn áleýmettik volonterlikke arnaýy tiis. Bul týraly búgin Jastar jylynyń jabylý jáne Volonter jylynyń ashylý saltanatynda Memleket basshysy Qasym-Jomart Toqaev aitty, dep habarlaidy QazAqparat.
«Volonterlik – bul tek tegin jumys emes, ol azamattyń jaýapkershiligi men álemdi jaqsartýǵa daiyndyǵynyń kórsetkishi. BUU málimetinshe, volonterliktiń álemdik ekonomikaǵa úlesi jylyna 400 mlrd dollardan astamdy quraidy. Volonterlikti birrettik senbilik pen ekologiialyq shara, chellendj retinde qabyldaý – qatelik. Degenmen, olar da mańyzdy ári qajetti. Sondyqtan, qoldaimyn. Volonterlik – bul júieli ári turaqty qyzmet»,- dedi Memleket basshysy.
QR Prezidenti bizdi qorshaǵan tabiǵat qana emes, adamdar da qamqorlyq pen kómekke zárý ekendigin aitty.
«Elimizde shamamen 700 myńǵa jýyq múmkindigi shekteýli adam bar. Olardy qoldaýǵa memleket osy jyly 34 mlrd teńgeden astam qarajat jumsady. Degenmen, másele tek qana qarjylandyrýda emes. Eńbekke qabiletti azamattar aptasyna tym bolmaǵanda 2 saǵatyn áleýmettik volonterlikke arnap, osy adamdarǵa nazar aýdarýy qajet. Volonterlikti ulttyq aýqymda ǵana emes, árbir qalada, aýylda damytý qajet. Volonterler balalar alańdaryn syrlap, úilerdiń kire beristerin, aýmaqtardy qoqystan tazalap, qart adamdarǵa nemese erekshe qajettiligi bar adamdarǵa kómektese alady», - dedi Memleket basshysy.
